სიახლეები
DRI: აქციის მონაწილეების საკრებულოში არშეშვება წარმომადგენლობითი ორგანოების საჯაროობის პრინციპს ეწინააღმდეგება
27.01.2020

„დემოკრატიის კვლევის ინსტიტუტის“ დამკვირვებლები 27 იანვარს თბილისის მუნიციპალიტეტის საკრებულოს წინ ოპოზიციური პოლიტიკური პარტიებისა და სამოქალაქო მოძრაობების[1] მიერ ორგანიზებულ აქციას დააკვირდნენ.

აქციის მიზანი 

აქციის მიზანი იყო საკრებულოს დეპუტატის ლევან ხაბეიშვილის ფიზიკური შეურაცხყოფის გაპროტესტება. მონაწილეები დეპუტატის ცემის დროულ და ობიექტურ გამოძიებას და დამნაშავე პირების სისხლისსამართლებრივ პასუხისმგებლობას ითხოვდნენ.

დაკვირვების შედეგები

„დემოკრატიის კვლევის ინსტიტუტის“ მონიტორების შეფასებით, აქციაში მონაწილეობას იღებდა 100-მდე ადამიანი. საკრებულოს მიმდებარე ტერიტორიაზე  მობილიზებული იყო მერიის უსაფრთხოების საქალაქო სამსახურის, საპატრულო და კრიმინალური პოლიციის 50-მდე წარმომადგენელი. დამკვირვებლების შეფასებით, სამოქალაქო ტანსაცმლიანი პირები, რომლებსაც ხშირი და უშუალო კომუნიკაცია ჰქონდათ სამართალდამცავებთან, ასევე იყვნენ სამართალდამცავი ორგანოების წარმომადგენლები.

დემონსტრანტებმა თბილისის საკრებულოს შენობის გარე ფასადზე კანონდარღვევით[2] გააკრეს ლევან ხაბეიშვილის ცემაში მონაწილე დეპუტატთა ფოტოსურათები, წარწერით - „მოძალადე“.

დემონსტრანტებისათვის შექმნილი დაბრკოლებები                               

დემონსტრანტების სახელზე დაშვებული საშვების მიუხედავად, აქციის მონაწილეებს გაურკვეველი საფუძვლით არ მისცეს შენობაში შესვლის შესაძლებლობა.  მიუხედავად იმისა, რომ საქართველოს პარლამენტის რეგლამენტის თანახმად, საქართველოს პარლამენტის წევრს უფლება აქვს შეუფერხებლად შევიდეს ყველა სახელმწიფო დაწესებულებაში, სამართალდამცავებმა საკრებულოს შენობაში არ შეუშვეს საქართველოს პარლამენტის დეპუტატები „ერთიანი ნაციონალური მოძრაობიდან.“[3] საკრებულოში შესვლის უფლება არ მისცეს არც თბილისის საკრებულოს წევრს ირაკლი ნადირაძეს.

„დემოკრატიის კვლევის ინსტიტუტი“ შენიშნავს, რომ ეს არაა პირველი შემთხვევა[4], როდესაც აქციის მონაწილეებს, მათზე დაშვებული საშვების მიუხედავად, არ ეძლევათ ადმინისტრაციულ შენობაში შესვლის შესაძლებლობა, რაც ეწინააღმდეგება წარმომადგენლობითი ორგანოების საჯაროობისა და ხელმისაწვდომობის პრინციპს და არასწორ პრაქტიკას წარმოადგენს.

 

 

[1] სამოქალაქო მოძრაობები „შეცვალე“ და „გაბედე“

[2] ადმინისტრაციულ სამართლადარღვევათა კოდექსი, მუხლი 150

[3] სალომე სამადაშვილი და ბადრი ბასიშვილი

[4] აქციის მონაწილეებს, მათზე დაშვებული საშვების მიუხედავად, პარლამენტში შესვლის უფლება არ მისცეს არც 21 იანვარს.

 

DRI: ოკუპირებულ ტერიტორიებზე პანდემიასთან გასამკლავებლად, აუცილებელია უფრო ეფექტიანი მუშაობა
„დემოკრატიის კვლევის ინსტიტუტის“ ინფორმაციით, პანდემიის პირობებში ოკუპირებილ რეგიონებში ვითარება კრიტიკულია.
20.03.2020
საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ
ადამიანის უფლებების და მედიის თავისუფლების დაცვაზე მომუშავე ორგანიზაციები გამოვხატავთ უკიდურეს შეშფოთებას აჭარის საზოგადოებრივ მაუწყებელში მიმდინარე საგანგაშო პროცესების შესახებ.
17.03.2020
DRI: ოკუპირებული ტერიტორიების მიმდებარე სოფლებში მედიის დაშვების შეზღუდვა გაუმართლებელია

DRI ეხმაურება უკანასკნელ პერიოდში საოკუპაციო გამყოფ ხაზთან ახლოს მდებარე კასპის, გორის, ქარელის და ხაშურის მუნიციპალიტეტების სოფლებში საქართველოს ცენტრალური ხელისუფლების მხრიდან მედიის დაშვების შეზღუდვის შემთხვევებს.

05.03.2020