სიახლეები
DRI: ოკუპირებულ ახალგორში პანდემიასთან ბროლისთვის რეკომენდირებული წესები სისტემატიურად ირღვევა
18.05.2020

 „დემოკრატიის კვლევის ინსტიტუტის“ ინფორმაციით ოკუპირებულ ახალგორში ჯანდაცვის მსოფლიო ორგანიზაციის მიერ რეკომენდირებულ წესებს, ბოლომდე არავინ იცავს, რაც  რეგიონში ინფექციის უკონტროლო გავრცელების რისკებს ზრდის.

ახალგორის რაიონული კლინიკა საკარანტინო სივრცედ არის ქცეული და დღეის მდგომარეობით მასში შვიდი პაციენტი იმყოფება. კარანტინში მოთავსებული პაციენტები, საავადმყოფოს შენობაში თავისუფლად გადაადგილდებიან და სისტემატიურად სარგებლობენ საერთო სველი წერტილით. ბოლო დროს, არაერთხელ დაფიქსიდა საკარანტინო სივრცეში მყოფი პაციენტების თვითნებურად, გარკვეული დროით, სივრცის დატოვების ფაქტი, რის გამოც კლინიკაში დაცვის დაყენება გახდა საჭირო.

მიუხედავად დე ფაქტო უწყების მიერ შემოღებული არაერთი რეგულაციისა, ოკუპირებულ რეგიონში ადამიანები სოციალურ დისტანციას არ იცავენ. დახურულ სუვრცეში, ისეთში როგორიც მაღაზია ან აფთიაქია, მომსახურე პერსონალს ეკრძალება მომხარებლებს პირბადის და ხელთათმანების გარეშე მომსახურება, თუმცა მოწოდებული ინფორმაციით წესი არც ამ შემთხვევაში სრულდება და კანონდარღვევაზე, არავინ რეაგირებს. რეგულაცია მოქმედებს რესტორნების და კაფე ბარების ფუნქციონირების შეჩერებაზე, თუმცა საზოგადოების პრივილეგირებული ნაწილი საღამოობით ხსენებულ აკრძალვას ხშირად არღვევს და სარგებლობს აღნიშნული სერვისით.

ბოლო მონაცემებით, ოკუპირებულ ე.წ. სამხრეთ ოსეთში COVID19-ის ლაბორატორიულად დადასტურებული 34 შემთხვევა გამოვლინდა. საკარანტინო სივრცეებში ექიმების მეთვალყურეობის ქვეშ 346 პირი იმყოფება. დადასტურებულ შემთხვევებს მიაკუთვნიან დედა-შვილს, რომლებსაც უკანასკნელად ჩატარებული კვლევის დროს კორონავირუსული ინფექცია არ დაუდასურდა. თუმცა დღემდე ისინი მკურნალობას ინფექცირებულ პაციენტებთან ერთად განაგრძობენ, რაც ირიბად შეიძლება მეტყველებდეს, კვლევების ხარისხის უნდობლობაზე ადგილობრივი სამედიცინო პერსონალის მხრიდან. აღსანიშნავია, რომ კლინიკაში მომუშავე სამედიცინო პერსონალს დღემდე არ გააჩნია შესაბამისი ეკიპირება. ისინი ადგილობრივ საწარმოში შეკერილ ნაჭრის კომბინიზონებს იყენებენ, რომელსაც ინფექციისგან დაცვის ფუნქცია არ გააჩნია.

მიუხედავად საქართველოს ხელისუფლების მზადყოფნისა, დაეხმაროს ოკუპირებულ ტერიტორიაზე მცხოვრებ მოსახლეობას. ცხინვალის დე ფაქტო მთავრობა, უარს აცხადებს ჯანმრთელობის მსოფლიო ორგანიზაციის მიერ გამოყოფილ დახმარებაზეც, იმ შემთხვევაში თუ ეს საქართველოს კონტროლირებადი ტერიტორიიდან განხორციელდება.

„დემოკრატიის კვლევის ინსტიტუტი“ მოუწოდებს საქართველოს ხელისუფლებას გამოიყენოს ყველა შესაძლო გზა და საკომუნიკაციო ხაზი, რათა მოხერხდეს დე ფაქტო ხელისუფლების თვითნებურ გადაწყვეტილებებაზე ზეგავლენა და საერთაშორისო ორგანიზაციების მეშვეობით განახორციელოს ოკუპირებულ ტერიტორიაზე მცხოვრები მოსახლეობის საჭირო საშუალებებით და ინვენტარით მომარაგება.

DRI: ცხინვალში რუსეთის გავლენა კიდევ უფრო იზრდება
ე.წ. სამხრეთ ოსეთის ფაქტობრივი „დამოუკიდებლობა“ კიდევ უფრო ფორმალური ხდება.  სამხრეთის ოსეთის ე.წ. პარლამენტი აპირებს ცვლილებები შეიტანოს  კანონებში „იარაღის შესახებ“ და „გარკვეული ტიპის საქმიანობის ლიცენზირების შესახებ“.
25.05.2020
DRI: „საზოგადოებრივი ჯანმრთელობის შესახებ“ საქართველოს კანონში შესატანი ცვლილებები ადამიანის უფლებების არაპროპორციული შეზღუდვის შესაძლებლობას უშვებს
დემოკრატიის კვლევის ინსტიტუტი უერთდება კანონპროექტთან დაკავშირებით პარტნიორი არასამთავრობო ორგანიზაციების მიერ გამოთქმულ წუხილს, რომ კანონპროექტი შეიცავს ადამიანის უფლებების დარღვევის დაუბალანსებელ რისკებს.
21.05.2020
„დემოკრატიის კვლევის ინსტიტუტი“ აჭარის ტელევიზიაში მიმდინარე მოვლენებს მედიის გაკონტროლების დაუფარავ მცდელობად აფასებს
DRI ეხმიანება აჭარის ტელევიზიაში მიმდინარე მოვლენებს და აღნიშნავს, რომ კრიტიკული აზრის მქონე თანამშრომლების სამსახურიდან დათხოვნის დაუსაბუთებელი და არაერთჯერადი პრაქტიკა საფრთხეს უქმნის აზრისა და გამოხატვის თავისუფლებას.
13.05.2020