სიახლეები
ახალგორში მოსახლეობის „პასპორტიზაციის“ პროცესი განახლდა
25.06.2020
დემოკრატიის კვლევის ინსტიტუტის ინფორმაციით, ოკუპირებულ ახალგორში პასპორტიზაციის პროცესი განახლდა. ოსურ მოქალაქეობას იმ ადამიანებს ანიჭებენ, ვინც გამშვები პუნქტის პერმანენტული ჩაკეტვის გამო, ვერ ახერხებს საქართველოს კონტროლირებად ტერიტორიაზე გადმოსვლას, კუთვნილი პენსიის მიღებას და ამის გამო,  ხანგრძლივი პერიოდის განმავლობაში საარსებო წყაროს გარეშე იმყოფება.

ამჟამად მოქალაქეობა გამარტივებული წესით რამოდენიმე ათეულმა საპენსიო ასაკში მყოფმა პირმა მიიღო. საჭირო დოკუმენტაციის წარდგენის შემდეგ, მათ ოსური პენსია დაენიშნებათ.

ახალგორელებისთვის ე.წ. „მოსაბრუნის“ გამშვები პუნქტი ბოლოს მიმდინარე წლის 24 იანვარს გაიხსნა[1], ისიც, შეზღუდული პერიოდით. გადაადგილება ნებადართული იყო მხოლოდ მათთვის, ვინც პენსიას საქართველოს კონტროლირებად ტერიტორიაზე იღებდა და შესაბამისი საშვის მქონე რამოდენიმე ათეული პირისთვის.

გადაადგილების თავისუფლების შეზღუდვა და ამ მიმართულებით დაწესებული ხელოვნური ბარიერები, საქართველოს არაკონტროლირებად ტერიტორიაზე მცხოვრებ მოქალაქეებს რთული არჩევანის წინაშე აყენებს. საარსებო წყაროს მოსაპოვებლად მათ უწევთ   საქართველოს მოქალაქეობის დათმობა. დემოკრატიის კვლევის ინსტიტუტის შეფასებით, მოსახლეობა ამ ნაბიჯამდე საქართველოს ცენტრალური ხელისუფლების ნაკლებად ეფექტიანმა პოლიტიკამ მიიყვანა, რომელმაც ვერ უზრუნველყო მოსახლეობის ერთ-ერთი ყველაზე მოწყვლადი ჯგუფის - ოკუპირებულ ტერიტორიაზე მცხოვრები პენსიონერების დახმარება.

ჩვენ არაერთხელ აღვნიშნეთ, რომ ოკუპირებულ რეგიონებში მცხოვრები ადამიანები, საქართველოს კონტროლირებად ტერიტორიებზე მცხოვრები მოსახლეობისგან განსხვავებული გამოწვევების წინაშე დგანან, შესაბამისად, მათთვის განსაკუთრებული მხარდამჭერი მექანიზმებია შესაქმნელი.

დემოკრატიის კვლევის ინსტიტუტი კიდევ ერთხელ მოუწოდებს საქართველოს ხელისუფლებას, არსებულ პროგრამებთან ერთად, თითოეული პენსიონერისთვის, რომელიც საქართველოს არაკონტორლირებად ტერიტორიაზე ცხოვრობს, განსხვავებული ფინანსური დახმარების სახელმწიფო პროგრამა შეიმუშაოს.
 
[1] დე ფაქტო ხელისუფლებამ ახალგორელების ნაწილისთვის ე.წ. საზღვარი დროებით გახსნა https://www.radiotavisupleba.ge/a/30394657.html
არასამთავრობო ორგანიზაციების განცხადება პროკურატურის მხრიდან ადვოკატების დევნის თაობაზე
22 სექტემბერს საქართველოს პროკურატურამ განცხადება გაავრცელა  თამარ ბაჩალიაშვილის საეჭვო ვითარებაში გარდაცვალების ფაქტზე მიმდინარე გამოძიების ფარგლებში, დაზარალებულის ოჯახის ადვოკატის მიერ გამოქვეყნებული ფოტომასალის სიყალბესთან დაკავშირებით გამოძიების დაწყების თაობაზე.
26.09.2020
ახალგორელი აქტივისტი თამარ მეარაყიშვილი დე ფაქტო ხელისუფლების მუქარისა და დაშინების პირისპირ
სამ წელზე მეტია, ახალგორელი სამოქალო აქტივისტი თამარ მეარაყიშვილი სამხრეთ ოსეთის დე ფაქტო ხელისუფლების მხრიდან ანგარიშსწორების მსხვერპლია.
23.09.2020
DRI: „ინფორმაციული უსაფრთხოების შესახებ“ კანონი და შეუზღუდავი კონტროლის საფრთხე
DRI ეხმიანება „ინფორმაციული უსაფრთხოების შესახებ“ საქართველოს კანონში შესატან ცვლილებებს და მიაჩნია, რომ კანონპროექტით უკონტროლოდ იზრდება სახელმწიფო უსაფრთხოების სამსახურის უფლებამოსილება.
21.09.2020