სიახლეები
24 წლის ანრი ატეიბა აფხაზეთის იზოლატორში სავარაუდოდ ძალადობის შედეგად გარდაიცვალა
20.09.2021
12 აგვისტოს გაგრის რაიონის დე ფაქტო შინაგან საქმეთა სამინისტროს დროებითი დაკავების იზოლატორში 1996 წელს დაბადებული ანრი ატეიბა უგონო მდგომარეობაში იპოვეს. ახალგაზრდა კომატოზურ მდგომარეობაში ერთი თვე იმყოფებოდა და 14 სექტემბერს გარდაიცვალა.
 
როგორც აფხაზეთის დე ფაქტო შსს აცხადებს, 5 ივლისს ატეიბამ გაგრის კრიმინალური საგამოძიებო დეპარტამენტის უფროსს წინააღმდეგობა გაუწია მას შემდეგ, რაც ნარკოლოგიური ტესტის გავლა მოსთხოვეს. ზემოაღნიშნული შემთხვევის გამო, ატეიბა 7 აგვისტოს დააკავეს და ბრალად წაუყენეს გაგრის კრიმინალური საგამოძიებო დეპარტამენტის უფროსის მიმართ ძალადობა, მისი სიცოცხლისა და ჯანმრთელობისათვის საშიშ მდგომარეობაში ჩაგდება.[1]
 
2021 წლის 8 აგვისტოს, ანრი ატეიბას ადვოკატმა გაგრის რაიონის პროკურატურას მიმართა განცხადებით, რომ მის დაცვის ქვეშ მყოფს ცემის და წამების გამო სხეულზე მრავლობითი დაზიანებები აღენიშნებოდა და სასამართლო სამედიცინო ექსპერტიზა მოითხოვა. თუმცა 2021 წლის 12 აგვისტოს დილის 01:30 საათზე, იგი საკანში უგონო მდგომარეობაში იპოვეს და საავადმყოფოში გადაიყვანეს, სადაც 1 თვის შემდეგ გარდაიცვალა.[2]ოკუპირებული აფხაზეთის შინაგან საქმეთა სამინისტროს განცხადებით, დაკავებული  თვითმკვლელობას ცდილობდა.

სახეზეა ადამიანის ფუნდამენტური უფლებების დარღვევების სავარაუდო ფაქტები, მათ შორის, ანრი ატეიბას წამება და არაადამიანური მოპყრობა, სიცოცხლის უფლების ხელყოფა, რაზეც სრული პასუხისმგებლობა ეკისრება აფხაზეთის დე ფაქტო ხელისუფლებას.
 
დემოკრატიის კვლევის ინსტიტუტი
 
მოუწოდებს საერთაშორისო ორგანიზაციებსდაინტერესდნენ ანრი ატეიბას საქმის გამოძიების მიმდინარეობით და გააქტიურონ მუშაობა აფხაზეთში ადამიანის უფლებათა მდგომარეობის მონიტორინგის მიზნით.
 
მიმართავს საქართველოს ხელისუფლებას - ოკუპირებულ ტერიტორიებზე მცხოვრები ყველა ეთნიკური ჯგუფის წარმომადგენლების უფლებების დაცვა/ადვოკატირება ქვეყნის საშინაო და საგარეო პოლიტიკის ერთ-ერთ ყველაზე პრიორიტეტულ მიმართულებად აქციოს.


 
[1] Ekhokavkaza, 2021, „Анри Атейба был обнаружен при попытке совершения суицида,“ https://www.ekhokavkaza.com/a/31460198.html
[2] kavkaz-uzel, 2021, „Силовики объяснили суицидом смерть задержанного в Гагре“,
საზოგადოებრივი ორგანიზაციები: მოვუწოდებთ ხელისუფლებას, არ დაუშვას სკოლების და სკოლამდელი განათლების დაწესებულებების დახურვა

კოვიდ-19 პანდემიამ  უპრეცედენტოდ ნეგატიური გავლენა იქონია გლობალური განათლების სისტემაზე და 1.5. მილიარდზე მეტი მოსწავლე დააზარალა მსოფლიოს მასშტაბით.

20.10.2021
DRI-ის რეკომენდაციები ჟენევის მოლაპარაკებების მონაწილეებს
12-13 ოქტომბერს ჟენევის მოლაპარაკებების 54-ე რაუნდი გაიმართება.  DRI მიაჩნია, რომ მოლაპარაკების პროცესში უმნიშვნელოვანესია ადამიანების უსაფრთხოებასთან და ძირითად უფლებებთან დაკავშირებული საკითხების წინა პლანზე წამოწევა. 
12.10.2021
ახალგორის რაიონის სოფელ მიდელაანში კგბ-მ ჩხრეკა ჩაატარა
დემოკრატიის კვლევის ინსტიტუტის  ინფორმაციით, 2021 წლის 8 ოქტომბერს ახალგორის მუნიციპალიტეტის მაღალმთიანი სოფლის მიდელაანის მკვიდრი, ყოველგვარი საფუძვლის გარეშე, 48 საათით დააკავეს.
11.10.2021