სიახლეები
დემოკრატიის კვლევის ინსტიტუტმა სოფელ საყულიაში განვითარებული მოვლენების შესწავლის მოთხოვნით სახელმწიფო ინსპექტორის სამსახურს მიმართა
04.06.2021
2021 წლის 1 ივნისს შინაგან საქმეთა სამინისტრომ გაავრცელა განცხადება, რომლის მიხედვითაც, 1 ივნისს, სოფელ საყულიაში 1992 წელს დაბადებული ი.მ.-ს მოსამართლის განჩინების საფუძველზე დაკავებისას, პოლიციის თანამშრომლებს წინააღმდეგობა გაუწიეს ადგილობრივმა მცხოვრებლებმა. განცხადებაში აღნიშნულია, რომ მოხდა თავდასხმა სამართალდამცველებზე, რის გამოც, დაპირისპირების განმუხტვის მიზნით, პოლიციამ „განახორციელა გამაფრთხილებელი გასროლა” და სპეციალური საშუალებები გამოიყენა.[1]

ამავდროულად, მედია საშუალებებით გავრცელებულ ჩანაწერებში, ადგილობრივმა მოსახლეობამ უფლებამოსილების გადამეტებასა და ძალის არაპროპორციულ გამოყენებაში, რამაც ორი პირის ჯანმრთელობის დაზიანება გამოიწვია, პოლიცია დაადანაშაულა.[2]

ვინაიდან სამართალდამცავი ორგანოს წარმომადგენლის მიერ ძალადობით ან იარაღის გამოყენებით  სამსახურებრივი უფლებამოსილების ბოროტად გამოყენების/გადამეტების შემთხვევები სახელმწიფო ინსპექტორის სამსახურის საგამოძიებო ქვემდებარეობას მიეკუთვნება, დემოკრატიის კვლევის ინსტიტუტმა სახელმწიფო ინსპექტორის სამსახურს მიმართა და დანაშაულის ნიშნების გამოვლენის შემთხვევაში, სათანადო რეაგირებისკენ მოუწოდა.

DRI ყურადღებით აკვირდება რიონის ხეობაში განვითარებულ მოვლენებს და სათანადოდ შეაფასებს კანონით გარანტირებული უფლებებისა და თავისუფლებების დაუსაბუთებელი შეზღუდვის ფაქტებს.  



 
[1] საქართველოს შინაგან საქმეთა სამინისტროს 2021 წლის 1-ელი ივნისის განცხადება, ხელმისაწვდომია: https://police.ge/ge/shinagan-saqmeta-saministros-gantskhadeba/14671
“ქართული ოცნების” გადაწყვეტილება საფრთხეს უქმნის საქართველოს სტაბილურობას და მომავალს
აღნიშნული გადაწყვეტილება, ხელისუფლების მხრიდან წარმოადგენს აშკარა უარს საქართველოს ევრო-ატლანტიკურ კურსსა და დემოკრატიული რეფორმების გზით ქვეყნის მშვიდობიან  განვითარებაზე.
28.07.2021
რომელი უწყება იძიებს ყველაზე მეტ კორუფციულ დანაშაულს?
გენერალური პროკურატურის მიერ გამოძიებული, კორუფციასთან დაკავშირებული საქმეების ოდენობა მკვეთრად აღემატება სუს-ის ანტიკორუფციული სააგენტოს მიერ გამოძიებული საქმეების რაოდენობას. 
28.07.2021
სამოქალაქო ორგანიზაციები და მედიასაშუალებები ევროპული საბჭოს პრეზიდენტს შარლ მიშელს მიმართავენ
გთხოვთ, გააგრძელოთ საქართველოს ხელისუფლებასთან აქტიური კომუნიკაცია და გააკეთოთ საჯარო განცხადებები ქვეყანაში დემოკრატიულ ჩავარდნებზე.
19.07.2021