უჩა ნანუაშვილი არის DRI-ის დამფუძნებელი. ის 2018-2022 წლებში იყო დემოკრატიის კვლევის ინსტიტუტის დირექტორი. ის არის საერთაშორისო სამართლის, პოლიტიკურ მეცნიერებათა და ადამიანის უფლებათა სპეციალისტი. იგი არის ადამიანის უფლებათა ცენტრის (HRC) დამფუძნებელი და კონსულტანტი. არის გაეროს უსაფრთხოების სექტორის რეფორმის მრჩეველთა ქსელის წევრი. 2019-2020 წლებში იყო სისხლის სამართლის საერთაშორისო სასამართლოს(ICC) დაზარალებულთა ნდობის ფონდის კონსულტანტი. 2012-2017 წლებში უჩა ნანუაშვილი იყო საქართველოს სახალხო დამცველი (ომბუდსმენი). სხვადასხვა დროს იგი იყო გლობალური ინიციატივა ფსიქიატრიაში გამგეობის წევრი, თბილისის ადამიანის უფლებათა სახლის გამგეობის თავმჯდომარე, საქართველოს პრეზიდენტთან არსებული შეწყალების კომისიის წევრი, სახელმწიფო საკონსტიტუციო კომისიის წევრი, ორგანიზაცია საერთაშორისო ამნისტიის თბილისის საინიციატივო ჯგუფის კოორდინატორი და აღმოსავლეთის პარტნიორობის სამოქალაქო საზოგადოების ფორუმის მმართველი კომიტეტის წევრი. 2000 წელს აირჩიეს საქართველოს პოლიტიკურ მეცნიერებათა ასოციაციის ვიცე-პრეზიდენტად და 2000-2004 წლებში იყო ლექტორი. იგი არის 60-ზე მეტი პუბლიკაციის ავტორი ადამიანის უფლებათა და მშვიდობის მშენებლობის საკითხებზე.

ნათია კაციტაძე DRI-ს გამგეობის წევრია. იგი არის საერთაშორისო სამართლისა და ადამიანის უფლებათა სპეციალისტი. 2013 წლიდან მუშაობდა საქართველოს სახალხო დამცველის აპარატში და 2015-2017 წწ. იყო საქართველოს სახალხო დამცველის პირველი მოადგილე და აპარატის უფროსი; 2007-2013 წწ. იყო „საქართველოს ახალგაზრდა იურისტთა ასოციაციისა“ და „კონსტიტუციის 42-ე მუხლის“ სტრატეგიული სამართალწარმოების პროექტის კოორდინატორი/მთავარი იურისტი. 2010-2012 წწ. იყო საქართველოს პრევენციის ეროვნული მექანიზმის (NPM) წევრი. წარმოადგენდა მომჩივანთა ინტერესებს, მათ შორის 2008 წლის რუსეთ-საქართველოს ომში დაზარალებულ მოსახლეობას, ადამიანის უფლებათა ევროპულ სასამართლოში წარდგენილ ათეულობით საქმეში. 2009–2010 წწ.-ში აკადემიური საქმიანობის გამოცდილება ჰქონდა კავკასიის სამართლის სკოლაში. 2008 წლიდან აქტიურადაა ჩართული აფხაზურ და სამხრეთ ოსურ მხარეებთან მშვიდობის მშენებლობისა და კონფლიქტის ტრანსფორმაციის/გადაწყვეტის სხვადასხვა ინიციატივებსა და ფორმატებში.