თათია კონიაშვილი არის DRI ის იურისტი. 2018 წელს მიენიჭა თბილისის სახელმწიფო უნივერსიტეტის ბაკალავრის ხარისხი. ამჟამად სწავლობს იმავე უნივერსიტეტის მაგისტრატურაზე, კერძო სამართლის მიმართულებით. 2017 – 2018 წლებში სტაჟირება გაიარა ა(ა)იპ – ში – ,,ჩემი ადვოკატი“ – და სანოტარო ბიუროში. სხვადასხვა დროს მონაწილეობა აქვს მიღებული ტრენინგებში, იმიტირებულ პროცესებსა და კონფერენციებში. 2017– 2019 წლებში იყო არასამთავრობო ორგანიზაცია ,,მწვანე კავკასია“– ს იურისტი. 2016 წლიდან მუშაობს არასამთავრობო ორგანიზაცია ISFED–ში გრძელვადიან დამკვირვებლად.
მარიამ ჩიტიშვილი არის საერთაშორისო ჟურნალისტიკის ბაკალავრი და საერთაშორისო ურთიერთობების მაგისტრი. გავლილი აქვს საქართველოს საზოგადოებრივ საქმეთა ინსტიტუტის (GIPA) საზოგადოებასთან ურთიერთობის სასერთიფიკატო კურსები. აქვს აკადემიური საქმანობისა და ჟურნალისტად მუშაობის გამოცდილება. 2013-2014 წლებში მუშაობდა სსიპ ხელნაწერთა ეროვნული ცენტრში საზოგადოებასთან ურთიერთობის სამსახურის ხელმძღვანელად, ხოლო 2014-2019 წლებში იყო არასამთავრობო ორგანიზაცია „კონსტიტუციის 42-ე მუხლის“ საზოგადოებასთან ურთიერთობის მენეჯერი.
მალხაზ სალდაძე კარტერის მშვიდობისა და კონფლიქტების მოგვარების სკოლის დოქტორანტია ჯორჯ მეისონის უნივერსიტეტში. მან მიიღო მაგისტრის ხარისხი რუსეთის, აღმოსავლეთ ევროპისა და ცენტრალური აზიის კვლევებში ვაშინგტონის უნივერსიტეტის ჯექსონის საერთაშორისო კვლევების სკოლაში. მისი სადოქტორო კვლევის მიზანია შეისწავლოს საქართველოში არსებული კონფლიქტების მიზეზების აღქმა მშვიდობისა და სამართლიანობის პრიზმაში, როგორც ამას მათში მონაწილე მხარეები ხედავენ. როგორც ქართული სამოქალაქო საზოგადოების და სხვადასხვა კვლევითი ინსტიტუტის თანამშრომელმა, მან ამ საკითხებზე იმუშავა სხვადასხვა პროგრამისა და პროექტის საშუალებით, რომლებიც კონფლიქტისა და მისი ტრანსფორმაციის, სამოქალაქო ჩართულობისა და ევროინტეგრაციის საკითხებზე საზოგადოებრივი დისკურსის ჩამოყალიბებას ისახავდა მიზნად. ბოლო თოთხმეტი წლის განმავლობაში იგი ასევე მოწვეულ მასწავლებლად მუშაობს თბილისის ილიას სახელმწიფო უნივერსიტეტში და პოლიტიკურ ფილოსოფიას, შედარებით პოლიტიკასა და ისტორიას ასწავლის.
მაკა ცინაძე მუშაობს დემოკრატიის კვლევის ინსტიტუტში ადმინისტრაციული მენეჯერის/პროგრამის ასისტენტის თანამდებობაზე. მას ქართულ-ამერიკული უნივერსიტეტისგან აქვს მინიჭებული ბიზნესის ადმინისტრირების მაგისტრის ხარისხი. საერთაშორისო ორგანიზაციებთან მუშაობის მისი გამოცდილება არის საკმაოდ ვრცელი. მაკა ძირითადად ჩაბმული იყო ადმინისტრაციულ და ორგანიზაციულ საქმიანობაში. იგი ეხმარებოდა ოფისის თანამშრომლებსა და სხვა სპეციალისტებს პროექტით გათვალისწინებულ საქმიანობაში. მას აქვს დაორგანიზებული პროექტით გათვალისწინებული სხვადასხვა ღონისძიება თბილისსა და რეგიონებში. მისი საორგანიზაციო უნარები მნიშვნელოვანი იყო პროექტის განხორციელებისთვის. საერთაშორისო ორგანიზაციებთან მუშაობის 10 წელზე მეტი გამოცდილების შედეგად მან დააგროვა უნარები და ცოდნა, რომელიც საჭიროა პროექტის განხორციელებისთვის.
თამარ საუთიევა არის დემოკრატიის კვლევის ინსტიტუტის პროექტის კოორდინატორი. ის არის სოციალური მუშაობის მაგისტრი. 2014-2016 წლებში წარჩინებით დაეუფლა სოციალური მუშაობის პროფესიას ივანე ჯავახიშვილის სახელობის თბილისის სახელმწიფო უნივერსიტეტში. თამარის სამუშაო გამოცდილება დაკავშირებულია სკოლის სოციალური მუშაობის განვითარების ხელშეწყობასთან, მუნიციპალიტეტების გაძლიერებასთან ბავშვთა მიმართ ძალადობაზე რეაგირებასა და ამოცნობაზე, ეფექტიანი სოციალური პროგრამების შემუშავებასთან, სოციალური კომპონენტის გაძლიერებასთან სხვადასხვა ორგანიზაციისთვის, ტრენერობასთან. თამარს გააჩნია საექსპერტო მომსახურების გაწევის გამოცდილება არასრულწლოვანთა მართლმსაჯულების, ბულინგის და კიბერბულინგთან დაკავშირებულ საკითხებზე.
