2024 წლის 26 ოქტომბერს საქართველოში მორიგი საპარლამენტო არჩევნები სრულად პროპორციული წესით პირველად ჩატარდა. საქართველოს მოქმედი კანონმდებლობის შესაბამისად, წინასაარჩევნო კამპანია არჩევნების დღემდე 60 დღით ადრე, 2024 წლის 27 აგვისტოს ოფიციალურად დაიწყო, როდესაც საქართველოს პრეზიდენტმა სალომე ზურაბიშვილმა საპარლამენტო არჩევნები შესაბამისი განკარგულებით დანიშნა.
დოკუმენტის საანგარიშო პერიოდი 2024 წლის 27 აგვისტო - 31 დეკემბერია. დემოკრატიის კვლევის ცენტრი წინასაარჩევნო გარემოს წინასაარჩევნო კამპანიის ოფიციალურად დაწყების პირველივე დღიდან აკვირდებოდა. თუმცა, ანგარიშში, როგორც საარჩევნო კამპანიის დაწყებამდე, ისე, კენჭისყრის დღის
შემდეგ მომხდარი მნიშვნელოვანი მოვლენებიც არის ასახული. ანგარიშში ასევე განხილულია ძირითადი საარჩევნო
სუბიექტების დაფინანსების საკითხიც.
მონიტორინგის მიზნებიდან გამომდინარე, ანგარიშში გაანალიზებულია:
- წინასაარჩევნო
პერიოდში ადმინისტრაციული რესურსის გამოყენების შემთხვევები
- საჯარო
მოხელეებზე პოლიტიკური ნიშნით განხორციელებული ზეწოლისა და სამსახურიდან გათავისუფლების ფაქტები
- ოპოზიციური
პოლიტიკური პარტიების წარმომადგენლებსა და მხარდამჭერებზე,
ასევე, ჟურნალისტებზე თავდასხმის შემთხვევები
- წინასაარჩევნო
პერიოდში საარჩევნო სუბიექტების
საქმიანობისთვის
ხელის შეშლის ფაქტები
- წინასაარჩევნო
კამპანიის პერიოდში მმართველი პარტიის სააგიტაციო შეხვედრებში არაუფლებამოსილი პირების მონაწილეობის შემთხვევები
- პროგრამები,
ინიციატივები და ინფრასტრუქტურული პროექტები, რომელთა განხორციელება, შესაძლოა, კანონდარღვევას არ წარმოადგენდა, თუმცა, არათანაბარ მდგომარეობაში ჩააყენა
საარჩევნო სუბიექტები
- საჯარო
სექტორში დასაქმებული და სოციალურად დაუცველი ოჯახების წევრებისთვის პირადობის დამადასტურებელი დოკუმენტების ჩამორთმევის შესახებ
გავრცელებული სარწმუნო ინფორმაციის ანალიზი
- საჯარო
საგანმანათლებლო დაწესებულებებში თანამდებობიდან გათავისუფლების შემთხვევები
- ადგილობრივი
მუნიციპალიტეტის ბიუჯეტით ორგანიზებულ ღონისძიებებში საარჩევნო სუბიექტების მონაწილეობის ფაქტები
- კენჭისყრის დღეს მომხდარი მასშტაბური და სისტემური ხასიათის
დარღვევები
- წინასაარჩევნო კამპანიის ფარგლებში პოლიტიკური პარტიების შემოწირულებები.
2024 წლის 26 ოქტომბრისსაპარლამენტო არჩევნების გარემოს შეფასება (ფინალური ანგარიში)
აფხაზეთის დე ფაქტო პარლამენტმა მიიღო საკანონმდებლო ინიციატივა, რომელიც მიზნად ისახავს ოკუპირებული აფხაზეთის პოლიტიკურ ცხოვრებასა და საარჩევნო პროცესებში უცხო ქვეყნის მოქალაქეებისა და მოქალაქეობის არმქონე პირთა უკანონო ჩარევის აღკვეთას.
DRI ეხმიანება 2026 წლის 27 ივლისს, MMA-ის მებრძოლ გიორგი ქართველიშვილის
მიერ გამართულ პრესკონფერენციაზე გაკეთებულ განცხადებას ე.წ. „სახალხო მოძრაობის“ დაფუძნების შესახებ.
მშვიდობიანი პროტესტის მონაწილეთა ძალის გამოყენებითა და ყოველგვარი განმარტების გარეშე დაკავება წარმოადგენს ავტორიტარული მმართველობისთვის დამახასიათებელი რეპრესიული პრაქტიკის გაგრძელებას.
