GEO   ENG
სიახლეები
DRI პარლამენტში მიმდინარე უპრეცენდენტო დარღვევებზე საუბრობს
13.12.2019

,,დემოკრატიის კვლევის ინსტიტუტის’’ შეფასებით, 12 დეკემბერს, პარლამენტის იურიდიულ საკითხთა კომიტეტის დარბაზიდან  ძალის გამოყენებით ჟურნალისტების გაძევება, აქციის მონაწილეთა გადაადგილების დაუსაბუთებელი შეზღუდვა და იურიდიულ საკითხთა კომიტეტის სხდომის პროცედურების დაუცველი წარმართვა ეწინააღმდეგება საქართველოს კანონმდებლობას და არ შეესაბამება დემოკრატიულ, ადამიანთა თანასწორობაზე დაფუძნებულ სახელმწიფოს პრინციპებსა და ღირებულებებს.

ჟურნალისტთა საქმიანობის დაუსაბუთებელი შეზღუდვა

მედია საშუალებების მიერ, დაფიქსირდა სამოქალაქო ტანსაცმელში ჩაცმული პირის მიერ პარლამენტის სხდომათა დარბაზიდან ჟურნალისტის ძალის გამოყენებით გაძევება. ,,დემოკრატიის კვლევის ინსტიტუტი’’ აღნიშნავს, რომ საქართველოს პარლამენტში წესრიგს იცავს საქართველოს მანდატურის სამსახური.  არაუფლებამოსილ პირთა მიერ ჩადენილი ნებისმიერი სახის თვითნებობა  კატეგორიულად დაუშვებელია და საჭიროებს სათანადო ორგანოთა რეაგირებას.

გაუმჭვირვალე პროცედურები და მოქალაქეთა უფლებების დაუსაბუთებელი შეზღუდვა 

იურიდულ საკითხთა კომიტეტის სხდომა წარიმართა პროცედურული დარღვევით, არ იყო დაცული კენჭისყრის პროცედურა.

ამავდროულად, ,,დემოკრატიის კვლევის ინსტიტუტი’’ მოუწოდებს პარლამენტს გამოიკვლიოს აქციის მონაწილეთა და ცალეკულ პირთა განცხადებები, რომლებიც აღნიშნავენ, რომ დაშვებული საშვის მიუხედავად, პოლიციამ დაუსაბუთებლად არ მისცა მათ საქართველოს პარლამენტის შენობაში შესვლის უფლება.

მოვლენების შეფასება

,,დემოკრატიის კვლევის ინსტიტუტი’’ აღნიშნავს, რომ ჟურნალისტის საქმიანობა დაცულია საქართველოს კანონმდებლობით და მისი დაუსაბუთებელი შეზღუდვა დაუშვებელია.

ასევე, მნიშვნელოვანია დაპირისპირებულმა მხარეებმა გადადგან ქმედითი ნაბიჯები სიტუაციის დეესკალაციისთვის და ნებისმიერ საკვანძო საკითხზე შეთანხმება მოხდეს დიალოგის გზით.   

სოხუმი უცხოური აგენტების შესახებ კანონის განხილვას აჭიანურებს. პარალელურად, ოკუპირებულ გალში მოქმედ არასამთავრობო ორგანიზაციებზე ზეწოლა გრძელდება

აფხაზეთში უცხოური გავლენის აგენტების შესახებ კანონპროექტზე მსჯელობა და ვნებათაღელვა არ დამცხრალა.

24.05.2024
რას შეიძლება ველოდოთ ინალ არძინბას თანამდებობიდან წასვლის მერე?

ოკუპირებულ აფხაზეთში დე-ფაქტო საგარეო საქმეთა მინისტრის ინალ არძინბას თანამდებობიდან წასვლამ თუ გადაყენებამ, აფხაზურ საზოგადოებაში და პოლიტიკურ წრეებში არაერთგვაროვანი რეაქციები გამოიწვია.

23.05.2024
მუჰაჯირობა საქართველოს მთავრობის პოლიტიკური შეფასების გარეშე
21 მაისს ჩვენი აფხაზი თანამოქალაქეები მუსლიმი აფხაზების მუჰაჯირობის დაწყების ტრაგიკულ თარიღს იხსენებენ.
21.05.2024