GEO   ENG
სიახლეები
Covid-19-თან დაკავშირებული დეზინფორმაციული კამპანიის ანტიდასავლური გზავნილები და კონსპირაციული თეორიები
11.12.2020

დემოკრატიის კვლევის ინსტიტუტი (DRI) აგრძელებს Covid-19 პანდემიასთან დაკავშირებული კონსპირაციული თეორიების და დეზინფორმაციული გზავნილების შესწავლას ონლაინ მედიაში. ოქტომბერ-ნოემბერში 15 ვებგვერდი და 10 ფეისბუქ გვერდზე გამოქვეყნებული 785 სტატია და პოსტი გაანალიზდა.

დეზინფორმაცია და შეთქმულების თეორიები ვრცელდება, როგორც კორონა ვირუსის მკურნალობის  მეთოდებზე, ასევე, ვირუსის წარმოშობისა და გავრცელების საკითხებზეც. Covid-19 პანდემიის ფონზე, საქართველოში განსაკუთრებით შესამჩნევი გახდა, სხვადასხვა ონლაინ გამოცემებსა და ფეისბუქ გვერდებზე ანტივაქსერული კამპანიის გააქტიურებაც. მედიამონიტორინგის ფარგლებში გამოიკვეთა, რომ დეზინფორმაციის მიზანმიმართული კამპანია  ემსახურება საზოგადოებრივ აზრზე ზეგავლენის მოხდენას.

დეზინფორმაციული კამპანია ანტიდასავლური გზავნილებით

დეზინფორმაციული კამპანიის მნიშვნელოვან სამიზნედ რჩება, ერთი მხრივ, ვაქცინაზე მომუშავე დასავლური კომპანიები, ხოლო მეორე მხრივ, Microsoft-ის დამფუძნებელი ბილ გეითსი. სწორედ მათ წინააღდეგ არის მიმართული ანტიდასავლური დისკურსი, რომლის ძირითადი დანიშნულებაც მოსახლეობაში იმ მითის გავრცელებაა, რომ კორონავირუსი  ფარმაცევტული კომპანიების  მილიარდიანი  ფინანსური მოგებისა და ბილ გეითსის მიერ მსოფლიო ბატონობის დამყარების მიზნით არის გამოგონილი. თუმცა, რეალური სურათი, განსხვავებულია.

ფეისბუქ ჯგუფებში ანტი-მასონობა. „ანტიქრისტეს“ ახალი მსოფლიო წესრიგი            (NWO); ანტი-ეკუმენიზმი“, „საერთო სახალხო მოძრაობა  ქართველი ერის გადარჩენისთვის!“, „საქართველო უპირველეს ყოვლისა“, „კორონა მაფია“ და „იტალიის ცის ქვეშ“   გავრცელებული გზავნილი, თითქოს ბილ გეითსი იძულებითი, სახიფათო ვაქცინაციით მსოფლიო ბატონობის დამყარებას გეგმავს, არის დეზინფორმაცია, რომლის პირველ წყაროს რუსული ვებ-გვერდი cont.ws წარმოადგენს.  რეალურად, “New England Journal of Medicine”-ში გამოქვეყნებულ პუბლიკაციაში Responding to Covid-19 - A Once-in-a-Century Pandemic? (პასუხი Covid-19 -ზე - საუკუნის პანდემია?), კომპანია Microsoft-ის დამფუძნებელი Covid-19 ვირუსის გლობალურ საფრთხეებსა და გამოწვევებზე საუბრობს. აქვე სთავაზობს კაცობრიობას პანდემიასთან გამკლავების რეკომენდაციებს. აღნიშულ სტატიაში საუბარი არ არის იძულებით ვაქციანაციაზე.

იმ პირობებში, როცა ჯერ მსოფლიო ჯანდაცვის ორგანიზაციას არ დაუმტკიცებია არცერთი ფარმაცევტული კომპანიის ვაქცინა Covid-19-ის წინააღმდეგ, საუბარი რომელიმე კომპანიის კოლოსალურ მოგებაზე, არის დეზინფორმაცია, რომელიც  ქსელურად გავრცელდა შემდეგ ფეისბუქ ჯგუფებში: „კორონა აფიორა“, „ანტი-მასონობა. „ანტიქრისტეს“ ახალი მსოფლიო წესრიგი (NWO); ანტი-ეკუმენიზმი“, “საერთო სახალხო მოძრაობა“, „კორონა მაფია“.  აღნიშნულ პოსტებზე ონლაინ ინტერაქციამ 854 მომხმარებელი შეადგინა.

 

დეზინფორმაციული კამპანია და კონსპირაციული თეორიები

პანდემიის პარალელურად ონლაინ სივრცეში Covid 19-ის წარმოშობისა და მკურნალობის მეთოდების შესახებ ვრცელდება სხვადასხვა შეთქმულების თეორიები და ყალბი ინფორმაცია. სოციალურ ქსელ ფეისბუქში ცალკეული ინდივიდებისა თუ სხვადასხვა ჯგუფების მიერ ვრცელდება კონსპირაციული თეორიები ვირუსის განკურნების ისეთი მეთოდების შესახებ, როგორიცაა, მედიკამენტური მკურნალობა ლევოფლოქსაცინის დახმარებით და სპეციალური მცენარის მეშვეობით. რეალურად კი მტკიცება გერმანელი მეცნიერების მიერ აღმოაჩენილი მცენარის შესახებ, რომელიც კორონავირუს წუთებში სპობს, ფაქტებით მანიპულირებაა და ემყარება ტაილანდური მედიცინის ვებ პორტალზე გამოქვეყნებულ კვლევას, რომლის სანდოობა და ვალიდურობა საერთაშორისო სამეცნიერო საზოგადოების მიერ დამტკიცებული არ არის. დეზინფორმაციის პირველ წყაროს ქართულ ონლაინ მედიაში ვებ პორტალი Nostal.geწარმოადგენს.

დეზინფორმაციაა ასევე მედიკამენტ ლევოფლოქსაცინის  კორონავირუსისგან განკურნების ეფექტური საშუალებად დაახელება. პრეპარატი ლევოფლოქსაცინი განეკუთვნება ანტიბაქტერიულ საშუალებებს, ხოლო Covid 19 არის ვირუსი და არა ბაქტერიული დაავადება. დეზინფორმაცია მედიკამენტ ლევოფლოქსაცინის შესახებ გავრცელდა ფეისბუქ გვერდებზე; „სტალინი, „მთავარი სიახლეები“, „ქართველთა მსოფლიო ცენტრი“ და „შუა გზაზე“. არსებული ინფორმაციის წყაროდ მითითებულია ვებ პორტალი tvm.ge.

                                                                         * * * *

პროექტი ხორციელდება ფონდი Prodemos • პროდემოსის ფინანსური მხარდაჭერით მცირე საგრანტო კონკურსის „ფრთხილად, დეზინფორმაციაა“ ფარგლებში. დემოკრატიის კვლევის ინსტიტუტის მიერ პროექტის ფარგლებში მომზადებული მასალა და მასში გამოხატული მოსაზრებები, შესაძლოა, არ წარმოადგენდეს დონორი ორგანიზაციის შეხედულებებს.

შემაშფოთებელია ჩრდილოეთ კავკასიელების მიმართ საზღვარზე შემოწმების სავარაუდო დისკრიმინაციული მიდგომა
ხელმომწერი ორგანიზაციები ვეხმიანებით მედიასა და სოციალურ ქსელებში გავრცელებულ ინფორმაციას, რომელიც საქართველოს სამართალდამცავი ორგანოების მხრიდან ლარსის საზღვარზე ჩრდილოეთკავკასიელების სპეციალური და უფრო მკაცრი შემოწმების სავარაუდოდ დისკრიმინაციული გამოცდილებას აჩვენებს.
28.09.2022
“თანაგრძნობას ვუცხადებთ ორივე მხარეს” – სამოქალაქო საზოგადოება აფხაზეთის ომზე
27 სექტემბერი, აფხაზეთის ომის დასრულებიდან 29 წლის შემდეგ, კიდევ ერთხელ შეგვახსენებს ქართველი და აფხაზი ხალხის წარსულ ტრაგედიებს და განგრძობადი კონფლიქტის მძიმე რეალობას.
28.09.2022
სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს
ბოლო რამდენიმე დღეა საზოგადოების ყურადღება მიიქცია ყოფილი მოსამართლეების განცხადებებმა, რომლებიც მოსამართლეებზე ზეწოლის და მართლმსაჯულების სისტემაში არაჯეროვანი ჩარევის ფაქტებზე საჯაროდ საუბრობენ. 
22.09.2022