GEO   ENG
ანგარიშები
სოციალური და ონლაინ მედია მონიტორინგის შედეგები ოქტომბრის ანგარიში
06.11.2019

„დემოკრატიის კვლევის ინსტიტუტი“ აგრძელებს ულტრამემარჯვენე დისკურსის შესწავლას საქართველოში. ოქტომბრის თვეში საკვლევ ობიექტებად განსაზღვრული იყო 15 ულტრა-მემარჯვენე ჯგუფი და მათი ლიდერების ფეისბუქ გვერდები. გარდა ამისა, „დემოკრატიის კვლევის ინსტიტუტი“ ცხრა ონლაინ გამოცემის მონიტორინგსაც აწარმოებდა. კვლევის ფარგლებში გამოიკვეთა ის ძირითადი ტენდენციები, რითაც ხასიათდება ულტრა-მემარჯვენე რიტორიკა საქართველოში.

ოქტომბერში მიმდინარე მედიამონიტორინგმა კიდევ ერთხელ დაადასტურა, რომ საქართველოში ულტრამემარჯვენე ჯგუფები და ლიდერები აქტიურად იყენებენ ონლაინ მედიისა და სოციალური ქსელების პლატფორმას საკუთარი იდეების გასაჟღერებლად და მიმდევრების მოსაზიდად.

მკვეთრად სექსისტური

ოქტომბრის თვეში ულტრამემარჯვენე რიტორიკა, წინა თვეებთან შედარებით, მკვეთრად ანტიფემინისტური და სექსისტური გზავნილებით ხასიათდებოდა. 5 ოქტოემბერს ილია ჯიშკარიანს - საკრებულოს დეპუტატს „ქართული ოცნებიდან“, თანამშრომელმა ბრალი დასდო სექსუალურ შევიწროებასა და გაუპატიურების მცდელობაში. მოგვიანებით თამთა თოდაძე საგამოძიებო უწყებებმა დაზარალებულად ცნეს. ამის საპასუხოდ, სოციალურ მედიაში თამთა თოდაძის დისკრედიტაციის კამპანია დაიწყო, რომელშიც აქტიურად იყვნენ ჩართულები ულტრამემარჯვენე ფეისბუქ გვერდები “ანტი-პარადოქსი”, “კარდჰუ”, “geo pepe” და “ქართული გვერდი.” აღნიშნულმა გვერდებმა რამდენიმე განსხვავებული შინაარსის მქონე გზავნილი გაავრცელეს, რომლის მთავარი მიზანიც საკრებულოს დეპუტატის დაცვა და, შესაბამისად, თამთა თოდაძის დისკრედიტაცია იყო.

თამთა თოდაძის წინააღმდეგ იდენტური ინფორმაცია გაავრცელეს ხელისუფლებისადმი ლოიალურობით გამორჩეულმა მედია საშუალებებმაც, როგორებიც არიან: საინფორმაციო სააგენტო პირველი და Plus.kvira.ge, რაც კითხვის ნიშნებს აჩენს ულტრამემარჯვენე ჯგუფების სახელისუფლებო გუნდთან შესაძლო კავშირის შესახებ.

პრორუსული

ოქტომბრის თვეშიც შესამჩნევი იყო “სპუტნიკ საქართველოს,” “საქინფორმის,” “საქართველო და მსოფლიოს” და „ალტ-ინფოს" მკვეთრად პრორუსული სარედაქციო პოლიტიკა. ამის პარარელურად, ეს მედია საშუალებები აქტიურად ეწეოდნენ დასავლეთის დისკრედიტაციას, მათ შორის, ფაქტების დამახინჯების გზით.[1]

არმენოფობიული გზავნილები და რუსული კვალი

ოქტომბრის თვეში ვებ-გამოცემა “კავკაზპლიუსმა” მკვეთრად არმენოფობიური გზავნილები გაავრცელა. ნიშანდობლივია, რომ სტატიების სრულ უმეტესობაში პირველწყაროდ მითითებული იყო ისეთი რუსულენოვანი და პროპაგანდისტული გამოცემები, როგორებიცაა: “სპუტნიკი”, “regnum.ru” და „aif.ru.“ გამოცემამ მხოლოდ საკუთარ წარმოდგენებზე დაყრდნობით და სრულიად დაუსაბუთებლად დაასკვნა სომხეთის ინტერესების შესახებ სამცხე-ჯავახეთში და ბავრა-ნინოწმინდის გზის შეკეთების აუცილებლობის მიღმა აგრესიისა და სეპარატიზმის მხარდაჭერის საფრთხე დაინახა.

 

მონიტორინგი შესაძლებელი გახდა ნიდერლანდების სამეფოს საელჩოს ფინანსური მხარდაჭერით პროექტის „ულტრამემარჯვენე ექსტრემიზმის და ნაციონალიზმის გააზრება და მის წინააღმდეგ ბრძოლა საქართველოში“ ფარგლებში.

 

[1] 10 ოქტომბერს „ალტ-ინფოს“ გვერდზე გამოქვეყნდა სტატია ამერიკის სახელმწიფო დეპარტამენტის ყოფილი მაღალჩინოსნის მეთიუ ბრაიზას შესახებ, სადაც საუბარია საქართველოს მხრიდან ტერიტორიების საბოლოოო დაკარგვაზე. ,,მეთიუ ბრაიზა: რუსეთი იქიდან არასდროს წავა” ვკითხულობთ სტატიის სათაურშივე. მეთიუ ბრაიზას ეს სიტყვები ამოიღეს, 8 ოქტომბერს უკრაინულ ტელე-არხ ,,ესპრესოსთან” მიცემული ინტერვიუდან. “ალტ-ინფომ” და “საქინფორმმა” დაამახინჯეს ფაქტები და კონტექსტიდან ამოვარდნილი ციტატა გამოიყენეს.

განცხადება მიხეილ სააკაშვილის შემდგომ მკურნალობასთან დაკავშირებით
ხელისმომწერი ორგანიზაციები ვეხმიანებით მესამე პრეზიდენტის ჯანმრთელობის მნიშვნელოვან გაუარესებას და მიგვაჩნია, რომ მისი შემდგომი მკურნალობის საკითხი უნდა გადაწყდეს ადამიანის სიცოცხლისა და ჯანმრთელობის დაცვის სტანდარტების გათვალისწინებით.
26.11.2022
კორუფციის შესახებ საქართველოს კანონში შესატანი ცვლილები არ პასუხებს ევროკავშირის 12 პუნქტიანი გეგმის მოთხოვნებს

DRI-მ პარლამენტის იურიდიულ საკითხთა კომიტეტს, საპარლამენტო ფრაქციებსა და პოლიტიკური ჯგუფებს ანტიკორუფციული სააგენტოს შესახებ მმართველი პარტიის მიერ მომზადებული საკანონმდებლო ცვლილებების შესახებ მოსაზრებები წარუდგინა.

17.11.2022
DRI-ის წინადადებები სასამართლო რეფორმის თაობაზე ევროკავშირის რეკომენდაციების შესასრულებლად
დემოკრატიის კვლევის ინსტიტუტმა საქართველოს პარლამენტის ფრაქციებსა და პოლიტიკური ჯგუფების წარმომადგენლებს სასამართლო რეფორმის შესახებ რეკომენდაციებით მიმართა. 
04.11.2022