GEO   ENG
ანგარიშები
ულტრამემარჯვენე ჯგუფების ანტივაქსერული და ანტიდასავლური რიტორიკა
31.01.2022
დემოკრატიის კვლევის ინსტიტუტი (DRI) განაგრძობს ულტრამემარჯვენე ჯგუფების  იდეოლოგიური პროპაგანდისა და პოლიტიკური დისკურსის შესწავლას. ჯამში, სექტემბერ-დეკემბრის საანგარიშო პერიოდში, სხვადასხვა ონლაინ პლატფორმებზე გავრცელებული 865 მანიპულაციური და დეზინფორმაციული ნარატივი გამოაშკარავდა.

ულტრამემარჯვენე ლიდერების ყურადღების ცენტრში იყო ადგილობრივი თვითმართველობის არჩევნები. მათ რიტორიკაში, რომელიც მიმართული იყო „ნაციონალური მოძრაობის“ დისკრედიტაციისკენ, პირდაპირ თუ შეფარულად გამოიკვეთა  სახელისუფლებო პარტიის მხარდამჭერი გზავნილები. მაგალითად, მიუხედავად ხელისუფლებისადმი დემონსტრირებული ნეგატიური დამოკიდებულებისა, ლევან ვასაძე ბიძინა ივანიშვილს მოიხსენიებდა დიდ ქველმოქმედად და ლიბერალური დასავლეთის პირად ტყვედ.

საქართველოში, თვითმმართველობის არჩევნებისა და პანდემიის ფონზე, გაგრძელდა ულტრამემარჯვენე ჯგუფების პოლიტიკურ პარტიებად ტრანსფორმაციის პროცესი. 2021 წლის 30 ოქტომბერს, ზვიად ტომარაძემ საზოგადოებას ახალი პოლიტიკური სუბიექტი „ერი და სახელმწიფო“ წარუდგინა. 2021 წლის 7 დეკემბერს ოფიციალურად დარეგისტრირდა ულტრამემარჯვენე, ქსენოფობიური და ჰომოფობიური მედია პლატფორმის „ალტ-ინფოს“ ბაზაზე შექმნილი ახალი პოლიტიკური პარტია „კონსერვატიული მოძრაობა“, რომელიც სამომავლო გეგმებში აქტიურად განიხილავს კრემლთან მოკავშირეობასა და პარტნიორული კავშირების განმტკიცებას.

მნიშვნელოვან ტენდენციად გამოიკვეთა ულტრამემარჯვენე ძალების რეორგანიზაციის და კონსოლიდაციის საკითხიც. „ქართული მარშის“ ლიდერმა სანდრო ბრეგაძემ პარტიის სრული განახლება დააანონსა; „ქართული იდეის“ თავმჯდომარემ ლევან ჩაჩუამ არჩევნების ფონზე ეროვნულ-კონსერვატიული ფლანგის გაერთიანების საკითხი წამოჭრა.

ულტრამემარჯვენე ჯგუფების ანტივაქსერული კამპანია

ულტრამემარჯვენე ლიდერები და აქტივისტები ზვიად ტომარაძე და ბექა ვარდოსანიძე სხვადასხვა ონლაინ პლატფორმებზე აქტიურად ეწევიან ანტივაქსერულ კამპანიას. მათი ორგანიზებით, საანგარიშო პერიოდში „მწვანე პასპორტებისა“ და კოვიდ რეგულაციების წინააღმდეგ არაერთი საპროტესტო აქცია ჩატარდა. მათი ანტივაქსერული კამპანია ვაქცინაციის წინააღმდეგ დეზინფორმაციული და მანიპულაციური მასალის გავრცელების ფონზე მიმდინარეობს. „ქართული იდეის“ ლიდერმა  ლევან ჩაჩუამ საზოგადოებას მოუწოდა,  უარი თქვას პოლიტიკურ ელიტაზე, რომელიც სავალდებულო ვაქცინაციას დააკანონებს.

ზვიად ტომარაძემ „კოვიდტერორად“ შეაფასა უწყებათაშორისი საკოორდინაციო საბჭოს გადაწყვეტილება მოსწავლეებისთვის პირბადის ტარების ვალდებულებასთან დაკავშირებით.  მისი განცხადებით, პირბადის ტარება უფუნქციოა და იმუნიტეტის დაქვეითებას იწვევს. რეალურად, ჯანდაცვის მსოფლიო ორგანიზაციის თანახმად, სწორედ პირბადეა ერთადერთი გარანტი ვირუსისგან თავდასაცავად. აღნიშნული დეზინფორმაცია ასევე გაავრცელეს ულტრამემარჯვენე მედია პლატფორმებმა „ალტ-ინფო“ და „ობიექტივი“.
 
ულტრამემარჯვენე ჯგუფების ანტიდასავლური კამპანია

საანგარიშო პერიოდში ულტრამემარჯვენე ჯგუფებში განსაკუთრებით გაძლიერდა ანტიდასავლური და ანტილიბერალური დისკურსი. აგრესიული რიტორიკის სამიზნე აღმოჩნდნენ ამერიკის შეერთებული შტატების ელჩი კელი დეგნანი, საქართველოში ევროკავშირის ელჩი კარლ ჰარცელი და სახალხო დამცველი ნინო ლომჯარია.

2021 წლის 24 დეკემბერს „კონსერვატიული მოძრაობის“ ლიდერებმა საპროტესტო აქცია გამართეს 5 ივლისს ჟურნალისტებზე ძალადობრივ თავდასხმაში ბრალდებული თანამოაზრეების გათავისუფლების მოთხოვნით. პარტიის ლიდერებმა ზურა მახარაძემ და კონსტანტინე მორგოშიამ სოციალური ქსელები გამოიყენეს მხარდამჭერთა მობილიზაციისთვის და 20 დეკემბერს გაავრცელეს ვიდეო მიმართვები, სადაც საზოგადოებას მოუწოდეს სახალხო დამცველის ოფისთან საპროტესტო აქციაში მიეღოთ მონაწილეობა. 21 დეკემბერს „ალტ ინფოსთან“ დაკავშირებულ ფეისბუქ გვერდზე „ტრადიციონალისტური პლატფორმა“ ვირუსულად გავრცელდა ვიდეოები „ლიბერალიზმი მოკვდა.“ ვიდეოში „კონსერვატიული მოძრაობის“ მხარდამჭერები მოუწოდებენ თანამოაზრეებს საპროტესტო აქციაში მონაწილეობისკენ და პროტესტის ნიშნად წვავენ ევროკავშირის და ამერიკის შეერთებული შტატების დროშებს და ვახო სანაიას, ინგა გრიგოლიას, ნიკა გვარამიას და გიორგი თაბაგარის ფოტოებს. „კონსერვატიული მოძრაობის“ მხარდამჭერები სწორედ მათ სდებენ ბრალს  5 ივლისის ძალადობრივი მოვლენების ორგანიზებაში.

ვიდეო მასალა ვირუსულად გავრცელდა ფეისბუქ გვერდებზე: „ქართველი კონსერვატორები“ და „ლევან ვასაძის მხარდამჭერები“. ანტიდასავლური და ანტილიბერალური რიტორიკა შენარჩუნდა უშუალოდ აქციის დღესაც. „კონსერვატიული მოძრაობის“ ლიდერები პირდაპირ აკისრებდნენ პასუხისმგებლობას 5 ივლისის ძალადობის ორგანიზებაზე ამერიკის შეერთებული შტატებისა და ევროკავშირის საელჩოებს.

ულტრამემარჯვენე რიტორიკა და ტენდენციები სოციალურ მედიაში

შემაშფოთებელია ჩრდილოეთ კავკასიელების მიმართ საზღვარზე შემოწმების სავარაუდო დისკრიმინაციული მიდგომა
ხელმომწერი ორგანიზაციები ვეხმიანებით მედიასა და სოციალურ ქსელებში გავრცელებულ ინფორმაციას, რომელიც საქართველოს სამართალდამცავი ორგანოების მხრიდან ლარსის საზღვარზე ჩრდილოეთკავკასიელების სპეციალური და უფრო მკაცრი შემოწმების სავარაუდოდ დისკრიმინაციული გამოცდილებას აჩვენებს.
28.09.2022
“თანაგრძნობას ვუცხადებთ ორივე მხარეს” – სამოქალაქო საზოგადოება აფხაზეთის ომზე
27 სექტემბერი, აფხაზეთის ომის დასრულებიდან 29 წლის შემდეგ, კიდევ ერთხელ შეგვახსენებს ქართველი და აფხაზი ხალხის წარსულ ტრაგედიებს და განგრძობადი კონფლიქტის მძიმე რეალობას.
28.09.2022
სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს
ბოლო რამდენიმე დღეა საზოგადოების ყურადღება მიიქცია ყოფილი მოსამართლეების განცხადებებმა, რომლებიც მოსამართლეებზე ზეწოლის და მართლმსაჯულების სისტემაში არაჯეროვანი ჩარევის ფაქტებზე საჯაროდ საუბრობენ. 
22.09.2022