2022 წლის 23 ივნისს ევროპულმა საბჭომ ევროკომისიის 17 ივნისის გადაწყვეტილება დაამტკიცა, რომლითაც საქართველოს კანდიდატი ქვეყნის სტატუსის მისაღებად 12 პუნქტიანი გეგმის შესრულება დაევალა. ევროპული საბჭოს ერთ-ერთი მთავარი მოთხოვნის მიუხედავად, პრიორიტეტების შესრულების პროცესში უზრუნველყოფილიყო ოპოზიციური პარტიებისა და სამოქალაქო სექტორის ჩართულობა, „ქართულმა ოცნებამ“ ევროკავშირის მიერ დადგენილი 12 პუნქტის შესრულების გეგმა ოპოზიციური პარტიების ჩართულობის გარეშე შეიმუშავა. მმართველმა პარტიამ არ გაიზიარა არც საზოგადოებრივი ორგანიზაციების მიერ წარდგენილი რეკომენდაციები და პროცესის განხორციელებას მხოლოდ თავისი გეგმით შეუდგა.

DRI წარმოადგენს, ერთი მხრივ, რამდენად სრულდება თავად მმართველი პოლიტიკური ძალის მიერ წარმოდგენილი 12 პუნქტიანი გეგმა და, მეორე მხრივ, რამდენად პასუხობს ხელისუფლების მხრიდან გატარებული ღონისძიებები ევროკავშირის რეკომენდაციებს.

ევროკომისიის რეკომენდაცია 2.1. „სახელმწიფო უწყებების დამოუკიდებლად ფუნქციონირება, მათზე ეფექტიანი ზედამხედველობის განხორციელება“