2019 წლის 17 მაისს, ჰომოფობიასთან, ტრანსფობიასა და ბიფობიასთან ბრძოლის საერთაშორისო დღეს, „დემოკრატიის კვლევის ინსტიტუტის“ თანამშრომლები დააკვირდნენ საქართველოს მთავრობის კანცელარიის წინ ჩატარებულ აქციას, რომელსაც ესწრებოდნენ ულტრამემარჯვენე ჯგუფების წარმომადგენლები. აქციაზე ძალადობა, არასათანადო მოპყრობა და უფლებამოსილების გადამეტება არ დაფიქსირებულა. აქციის მიმდინარეობისას, გამომსვლელების მოწოდება შეიცავდა ანტილიბერალურ პროპაგანდას და სიძულვილის ენის გამოყენებას LGBTQ თემისა და მათი უფლებადამცველების მიმართ. ასევე, სიძულვილის ენა გამოყენებული იყო აქციის მონაწილეთა პოსტერებზე.

აქციის მონიტორინგი ჩატარდა ნიდერლანდების სამეფოს საელჩოს ფინანსური მხარდაჭერით, პროექტის “ულტრამემარჯვენე ექტრემიზმისა და ნაციონალიზმის გააზრება და მის წინააღმდეგ ბრძოლა საქართველოში” ფარგლებში.