GEO   ENG
სიახლეები
DRI: პოლიციელების მხრიდან მოზარდზე ძალადობას ეხმიანება
25.01.2022
დემოკრატიის კვლევის ინსტიტუტი გმობს 24 იანვარს გავრცელებული ვიდეო-ჩანაწერში აღბეჭდილ ძალადობას. გავრცელებული კადრებიდან დასტურდება, რომ 17 წლის შეზღუდული შესაძლებლობის მქონე ბავშვზე პოლიციელების მხრიდან განხორციელდა სისხლის სამართლის კოდექსით აკრძალული დამამცირებელი და არაადამიანური მოპყრობა. პირველ ეტაპზე აუცილებელია დროული და ეფექტიანი გამოძიების წარმართვა მომხდარზე. 

გავრცელებული ინფორმაციის თანახმად, მომხდარზე გამოძიება სახელმწიფო ინსპექტორის სამსახურმა დაიწყო. ამ ეტაპზე, დამამცირებელი და არაადამიანური მოპყრობის ბრალდებით დაკავებულია ორი პოლიციელი.

ბავშვის დაცვა და მხარდაჭერა შინაგან საქმეთა სამინისტროს თითოეული თანამშრომლის მოვალეობაა. თუმცა, გავრცელებული კადრებით დასტურდება, რომ პოლიციის სისტემაში ბავშვის ინტერესების დაცვა და კანონით დაკისრებული პასუხისმგებლობების შესრულება არ ხდება. პოლიციელების მხრიდან ძალადობის ფაქტებმა სისტემატური სახე მიიღო.

დემოკრატიის კვლევის ინსტიტუტი მოუწოდებს
სახელმწიფო ინსპექტორის აპარატს
  • გამოძიების პროცესში სავალდებულოდ ჩართოს ფსიქოლოგი
  • უზრუნველყოს არასრულწლოვანთა მართლმსაჯულების კოდექსითა და ბავშვის უფლებათა კოდექსით დადგენილი საკანონმდებლო მოთხოვნების შესრულება - დანაშაულის შედეგად დაზარალებულის მიმართ გამოიყენოს მულტიდისციპლინური მიდგომა განმეორებითი გამოკითხვისა და ხელახალი ვიქტიმიზაციის თავიდან აცილების მიზნით.
შინაგან საქმეთა სამინისტროს
  • უზრუნველყოს პოლიციელების გადამზადება ბავშვთა დაცვის საკითხებში
  • გაატაროს ნულოვანი ტოლერანტობის პოლიტიკა სამართალდამცველების მიერ უფლებამოსილების გადამეტების, ფიზიკური და ფსიქოლოგიური ძალადობის ფაქტებზე.
საქართველოს პარლამენტს
  • პოლიციელად გახდომის კრიტერიუმებში ბავშვთა დაცვის საკითხების ცოდნის სავალდებულოობა კანონმდებლობაში ასახოს.
საქართველოს მთავრობას
  • დაუყოვნებლივ უზრუნველყოს პოლიციის სისტემის რეფორმა ბავშვთა საუკეთესო ინტერესების დაცვის უზრუნველსაყოფად.
შემაშფოთებელია ჩრდილოეთ კავკასიელების მიმართ საზღვარზე შემოწმების სავარაუდო დისკრიმინაციული მიდგომა
ხელმომწერი ორგანიზაციები ვეხმიანებით მედიასა და სოციალურ ქსელებში გავრცელებულ ინფორმაციას, რომელიც საქართველოს სამართალდამცავი ორგანოების მხრიდან ლარსის საზღვარზე ჩრდილოეთკავკასიელების სპეციალური და უფრო მკაცრი შემოწმების სავარაუდოდ დისკრიმინაციული გამოცდილებას აჩვენებს.
28.09.2022
“თანაგრძნობას ვუცხადებთ ორივე მხარეს” – სამოქალაქო საზოგადოება აფხაზეთის ომზე
27 სექტემბერი, აფხაზეთის ომის დასრულებიდან 29 წლის შემდეგ, კიდევ ერთხელ შეგვახსენებს ქართველი და აფხაზი ხალხის წარსულ ტრაგედიებს და განგრძობადი კონფლიქტის მძიმე რეალობას.
28.09.2022
სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს
ბოლო რამდენიმე დღეა საზოგადოების ყურადღება მიიქცია ყოფილი მოსამართლეების განცხადებებმა, რომლებიც მოსამართლეებზე ზეწოლის და მართლმსაჯულების სისტემაში არაჯეროვანი ჩარევის ფაქტებზე საჯაროდ საუბრობენ. 
22.09.2022