სიახლეები
ახალგორში დაშავებული მოქალაქის მდგომარეობა მძიმეა
15.11.2019
„დემოკრატიის კვლევის ინსტიტუტის“ ხელთ არსებული არაოფიციალური ინფორმაციით, 3 ნოემბერს, ახალგორში რამდენიმე მეტრის სიღმის ჭაში ჩავარდნილი თ.გ-ს მდგომარეობა მძიმეა. დაშავებულს აღენიშნება მრავლობითი სისხლჩაქცევები, შეშუპება სახის და სხეულის არეში, უჭირს საუბარი.
მიუხედავად იმისა, რომ დაშავებულის ოჯახი მის საქართველოს ცენტრალური ხელისუფლების მიერ კონტროლირებად ტერიტორიაზე გადმოყვანას დაშავების დღესვე ითხოვდა, დე ფაქტო უწყებებმა იგი ახალგორის რაიონული საავამყოფოდან ცხინვალში გადაყვანეს და განაცხადეს, რომ დაშავებულს საჭირო სამედიცინო დახმარება გაეწია. ამჟამად თ.გ. გაწერილია ცხინვალის სამედიცინო დაწესებულებიდან და სახლში იმყოფება.
აღნიშნული ფაქტი არ არის ერთადერთი შემთხვევა, როდესაც ოკუპირებულ რეგიონებში ვერ ხერხდება კვალიფიციური სამედიცინო დახმარების აღმოჩენა, რასაც ადგილზე არსებული ჯანდაცვის დაბალი ხარისხი განაპირობებს.
„დემოკრატიის კვლევის ინსტიტუტი“ მოუწოდებს ხელისუფლებას, გააკეთოს შესაძლებლობების მაქსიმუმი, მათ შორის გამოიყენოს საერთაშორისო პარტნიორების დახმარება, დაშავებული თ.გ-ს საქართველოს კონტროლირებად ტერიტორიაზე გადმოსაყვანად.
რუსული „იურისდიქცია“ აფხაზეთზე: ჟურნალისტი, რომელსაც რუსეთში არასდროს უცხოვრია, ვლადიკავკაზში დააჯარიმეს
2026 წლის 31 აგვისტოს ვლადიკავკაზის სასამართლოს გადაწყვეტილებით, აფხაზი ჟურნალისტი ნიზფა არშბა 30 ათასი რუბლით, დაახლოებით 353 დოლარით, დაჯარიმდა.
12.10.2026
სექტემბერი — ოკუპირებულ აფხაზეთსა და სამხრეთ ოსეთში რუსული გავლენების გაფართოების თვე
სექტემბერი ოკუპირებული სამხრეთ ოსეთისა და აფხაზეთში რუსული გავლენების გაფართოების თვედ შეგვიძლია მივიჩნიოთ.
06.10.2026
კანონი გრანტების შესახებ: 2025 წლის შეზღუდვები და 2026 წლის ცვლილებები
კანონი გრანტების შესახებ არ წარმოადგენს დამოუკიდებელ რეგულაციას. იგი 2023 წლიდან ჩამოყალიბებული მრავალშრიანი საკანონმდებლო ჩარჩოს ნაწილია.
05.10.2026
