ანგარიშები
DRI ულტრამემარჯვენე ჯგუფების შეკრებებზე დაკვირვების შედეგებს აქვეყნებს
12.04.2022
დემოკრატიის კვლევის ინსტიტუტი 2020 წლიდან აკვირდება ულტრამემარჯვენე რადიკალური ჯგუფების აქტიურობას აქციებსა და მანიფესტაციებზე. გამოქვეყნებული ანგარიში მოიცავს ულტრამემარჯვენე ჯგუფების შეკრება-მანიფესტაციებზე დაკვირვების შედეგებს 2021 წლის სექტემბრიდან 2021 წლის დეკემბრის ჩათვლით. საერთო ჯამში, გაანალიზებულია 12 შეკრებაზე დაკვირვების პროცესში გამოვლენილი ტენდენციები და ძირითადი მიგნებები.
- 2021 წელს გამოიკვეთა ანტილიბერალური და ანტიდასავლური ულტრამემარჯვენე ძალების პოლიტიკურ სუბიექტებად ტრანსფორმაციის ტენდენცია. 2021 წლის 30 ოქტომბერს ზვიად ტომარაძემ პოლიტიკური პარტიის „ერი და სახელმწიფოს“ შექმნის შესახებ განაცხადა; 2021 წლის 7 დეკემბერს „ალტ-ინფოს“ გუნდის ბაზაზე პოლიტიკური პარტია „კონსერვატორული მოძრაობა“ დარეგისტრირდა, რითაც გაიზარდა ანტილიბერალური, პრორუსული და ანტიდასავლური განწყობების მქონე ძალების პოლიტიკური ხილვადობა და ლეგიტიმაცია.
- ულტრამემარჯვენე ექსტრემისტული ჯგუფების შეკრება-მანიფესტაციებს სისტემატურობა და დისციპლინა ახასიათებს. ისინი თანმიმდევრულები არიან, რაც მათ ორგანიზებულობაში გამოიხატება. მათ აქვთ ყოველკვირეულ შეკრებებზე ასობით ადამიანის მობილიზების შესაძლებლობა; ტრანსპარანტების, პოსტერების, საინფორმაციო ბუკლეტების დამზადების ფინანსური რესურსი და სხვ.
- ანტილიბერალური და ანტიდასავლური ულტრამემარჯვენე ჯგუფების ორგანიზატორები მოქმედი ხელისუფლების ხისტი ოპონენტები არ არიან. მათ განცხადებებში მთავრობის მისამართით კრიტიკა ძირითადად უწყებათაშორისი საბჭოს ვაქცინაციაზე პასუხისმგებელი წევრების საქმიანობასთან დაკავშირებით ისმოდა.
- ულტრამემარჯვენე ჯგუფების მიერ ორგანიზებულ საპროტესტო აქციებზე შესამჩნევია სამართალდამცავებსა და ორგანიზატორებს შორის კოორდინირებული მოქმედება, ფამილარული კომუნიკაცია და პოზიტიური ურთიერთკავშირი.
- საქართველოში ულტრამემარჯვენე ჯგუფების მიერ ორგანიზებული ანტივაქსერული შეკრება-მანიფესტაციები, ერთი მხრივ, ხელს უწყობს საზოგადოებაში ანტიდასავლური განწყობების გაღვივებას, ხოლო მეორე მხრივ, ზრდის ჯანდაცვის უწყებებისა და მედიცინისადმი უნდობლობას.
- საპროტესტო აქციებზე ულტრამემარჯვენე ლიდერების აგრესიული რიტორიკის სამიზნე არაერთხელ აღმოჩნდა ხელისუფლებისადმი კრიტიკულად განწყობილი „ლიბერალური“ მედიასაშუალებები, დასავლური ინსტიტუტები, აშშ-ს საელჩო და ევროკავშირის წარმომადგენლობა საქართველოში.
- ულტრამემარჯვენე ჯგუფების მიერ ორგანიზებულ საპროტესტო აქციებში სასულიერო პირებიც მონაწილეობენ, ძირითადად, რიგით დემონსტრანტებად. თუმცა, რამდენიმე შემთხვევაში, აქციის მონაწილეებს სასულიერო პირებმა სიტყვითაც მიმართეს.
- ულტრამემარჯვენე ჯგუფების მიერ ორგანიზებულ საპროტესტო აქციებზე დარღვეული იყო კოვიდ 19-ის გავრცელების პრევენციისთვის დაწესებული რეგულაციები. საანგარიშო პერიოდში გარე სივრცეში პირბადის ტარება სავალდებულო იყო. ასევე, გარე სივრცეში ბლანკეტურად მოქმედებდა 10-ზე მეტი ფიზიკური პირის თავშეყრის აკრძალვაც. შეკრების მონაწილეები ძირითადად, არ იცავდნენ პირბადის გამოყენებასთან დაკავშირებით მოქმედ სავალდებულო რეგულაციებს.
DRI: ქართულმა სახელმწიფომ ფაქტობრივად უგულებელყო ევროსასამართლოს მოთხოვნა და აზერბაიჯანელი ჟურნალისტი ქვეყნიდან გააძევა
სახელმწიფომ,
აზერბაიჯანელი ჟურნალისტი მიმართ მიღებული გადაწყვეტილებით, უხეშად დაარღვია ადამიანის უფლებები, მათ შორის, ადამიანის უფლებათა
ევროპული კონვენცია და მოქმედი კანონმდებლობა.
06.04.2026
რუსული რბილი ძალის გაგრძელება ოკუპირებულ რეგიონებში
რუსეთი კვლავ განაგრძობს რბილი ძალით საქართველოს ოკუპირებული ტერიტორიების ანექსიისკენ მიზანმიმართულ ქმედებებს.
02.04.2026
ანტიკორუფციული ბიუროს საქმიანობის მიმოხილვა
ანტიკორუფციული ბიურო ევროკომისიის რეკომენდაციების შესრულების ფარგლებში, 2022 წელს შეიქმნა. რეკომენდაცია ანტიკორუფციული ორგანოს დამოუკიდებლობასა და ფუნქციურ გაძლიერებას ითვალისწინებდა.
25.03.2026
