„დემოკრატიის კვლევის ინსტიტუტი“ ეხმიანება პარლამენტის მიმდებარე ტერიტორიაზე შინაგან საქმეთა სამინისტროს შეუსაბამოდ დიდი ოდენობის სპეციალური დანიშნულების ძალების მობილიზაციას და მიიჩნევს, რომ კანონით გათვალისწინებული ფორმალური საფუძვლის მიუხედავად, რომელიც კრძალავს შენობების შესასვლელების ბლოკირებას, გამოყენებული ძალა - წყლის ჭავლი, ცრემლსადენი გაზი, აქციის მონაწილეთა დაკავება წარმოადგენს არაპროპორციულ ღონისძიებას შეკრების არაძალადობრივი ხასიათიდან და მომიტინგეთა რიცხოვნებიდან გამომდინარე და შესაბამისად, უკანონოა.

„დემოკრატიის კვლევის ინსტიტუტი“ მუწოდებს ხელისუფლების პოლიტიკური თანამდებობის პირებს:

·        განსაკუთრებული სიფრთხილით მოეკიდონ განცხადებას აქციის დაშლის შესახებ, ვინაიდან აღნიშნული აღიქმება პირდაპირ მითითებად არაპროპორციული ძალის გამოყენებაზე;

·        დაუყოვნებლივ მიიღონ ყველა ზომა სიტუაციის განსამუხტად და კონსტიტუციურ ჩარჩოებში მოსაქცევად;

ოპოზიციურ პოლიტიკურ სპეტრს:

·        იმოქმედონ მაღალი საზოგადოებრივი პასუხისმგებლობით და მოერიდონ კანოსაწინააღმდეგო მოწოდებებს, რამაც შეიძლება უმართავი გახადოს შექმნილი სიტუაცია.