GEO   ENG
განცხადებები
საქართველოს ეროვნული პლატფორმა ბათუმში განვითარებულ მოვლენებს ეხმიანება
01.08.2023
საქართველოს ეროვნული პლატფორმა შეშფოთებულია 31 ივლისს, ქ. ბათუმში განვითარებული მოვლენებით და შინაგან საქმეთა სამინისტროს საქართველოს კონსტიტუციით გარანტირებული უფლებების პატივისცემისაკენ მოუწოდებს.

ბათუმში საზოგადოების პროტესტი მეორე რუსული კრუიზის შემოსვლას მოჰყვა. გავრცელებული ინფორმაციის თანახმად, ნავსადგურის მიმდებარედ შეკრებილ მოქალაქეებს ადგილზე მობილიზებული პოლიცია არ აძლევდა პროტესტის თავისუფლად გამოხატვის შესაძლებლობას და სხვა საშუალებებთან ერთად იყენებდა აქციის მონაწილეების დაკავების პრაქტიკას.  დროის სხვადასხვა მონაკვეთში დაკავებულთა რაოდენობამ 20-ს გადააჭარბა. ცალკეულ შემთხვევებში პოლიციის მიერ დაკავებულთა მიმართ ფიზიკური და სიტყვიერი შეურაცხყოფის მიყენების შესაძლო ფაქტებს სახალხო დამცველიც გამოეხმაურა. ასევე ვრცელდება ინფორმაცია, რომ შინაგან საქმეთა სამინისტრო დაკავებულების ადვოკატებს  არ აძლევდა მათი ადგილსამყოფელის შესახებ ინფორმაციას, რაც საქართველოს კონსტიტუციით გარანტირებული უფლების დარღვევას წარმოადგენს. მსგავსი პრაქტიკა მიუღებელია და წარმოშობს არასათანადო მოპყრობის რისკებს.

მოვუწოდებთ შინაგან საქმეთა სამინისტროს, რომ პატივი სცეს საქართველოს კონსტიტუციით გარანტირებულ უფლებებს და არ შეუშალოს ხელი მოქალაქეებს, თავისუფლად გამოხატონ მშვიდობიანი პროტესტი.

  • დემოკრატიის კვლევის ინსტიტუტი
  • ფონდი ლიბერალური აკადემია თბილისი
  • ადგილობრივი დემოკრატიის სააგენტო საქართველო
  • საქართველოს მწვანეთა მოძრაობა/დედამიწის მეგობრები
  • საქართველოს ახალგაზრდა იურისტთა ასოციაცია
  • საერთაშორისო ბიზნესის და ეკონომიკის განვითარების ცენტრი
  • საქართველოს ბიზნეს საკონსულტაციო ორგანიზაციების ასოციაცია
  • იმერეთის მხარის მეცნიერთა კავშირი ,,სპექტრი” 
  • სამეცნიერო-ინტელექტუალური კლუბი „თაობათა დიალოგი“
  • სამცხე-ჯავახეთის რეგიონული ასოციაცია „ტოლერანტი“ 
  • საქართველოს პროფესიული კავშირების გაერთიანება
ვიტალი კარბაიას საქმე: ეთნიკური დისკრიმინაციის მორიგი ინსტიტუციური დადასტურება ოკუპირებულ აფხაზეთში

გალის რაიონის მკვიდრი ვიტალი კარბაიას მკვლელობაში მონაწილე პოლიციელები გალის დე ფაქტო რაიონული სასამართლოს მოსამართლემ დარბაზიდან გაათავისუფლა.

21.06.2024
სახელმწიფო უსაფრთხოების სამსახურის ყოველწლიური ანგარიში თავს არიდებს რუსეთის საფრთხედ მოხსენიებას

დღეს პარლამენტი სახელმწიფო უსაფრთხოების სამსახურის ყოველწლიურ ანგარიშს სამი კომიტეტის გაერთიანებულ სხდომაზე მოისმენს. 

12.06.2024
DRI: ძალადობრივი ჯგუფების დანაშაულებრივ ქმედებებზე პასუხისმგებლობა ხელისუფლებას ეკისრება
შალვა პაპუაშვილის განცხადებიდან ერთ საათში, ზუკა ბერძენიშვილს თავს დაესხნენ და ფიზიკურად გაუსწორდნენ.
11.06.2024