GEO   ENG
ანგარიშები
ულტრამემარჯვენე ჯგუფების გავლენები პოლიტიკურ დღის წესრიგზე
05.09.2023
საქართველოში ხილვადი ხდება ულტრამემარჯვენე დაჯგუფებების მცდელობა, გავლენა იქონიონ პოლიტიკურ დღის წესრიგზე. იმის გათვალისწინებით, რომ ეს დაჯგუფებები, რომელთა დიდი ნაწილი დაუფარავად პრორუსულია, ღიად აცხადებენ ხელისუფლებაში მოსვლის ამბიციას, მოახლოებული 2024 წლის საპარლამენტო არჩევნების ფონზე, განსაკუთრებულ აქტუალობას იძენს მათი სამოქმედო დღის წესრიგის, რიტორიკისა და ძირითადი ნარატივების ანალიზი.

შუალედურ ანგარიშში, რომელშიც DRI ულტრამემარჯვენე დაჯგუფებებზე დაკვირვების სამთვიან პერიოდს აჯამებს, აღწერილია „კონსერვატიული მოძრაობა/ალტ-ინფოს“ და „ქართული იდეის“, ასევე, ნეოფაშისტური ორგანიზაცია „საქართველოს ეროვნული ერთობისა“ და ღიად ულტრამემარჯვენე ჯგუფების „ბავშვთა უფლებების დაცვის ორგანიზაციის“, „საქართველო უპირველეს ყოვლისა“ და „ქართული მისიის“ ოფიციალურ და მხარდამჭერთა გვერდებზე გააქტიურებული დეზინფორმაციული, მადისკრედიტირებელი თუ სიძულვილის ენის შემცველი გზავნილები. საკვლევ ობიექტებს შორის იყო ღიად პროკრემლისტური და ანტიდასავლური განწყობების მქონე მედია პლატფორმები: „ალტ-ინფო“ და „სეზონი TV“.

საანგარიშო პერიოდში გამოიკვეთა, რომ „ქართული ოცნებისა“ და ღიად პრორუსული ულტრამემარჯვენე დაჯგუფებების ლიდერებს იდენტური გზავნილები აქვთ ევროსკეპტიციზმსა და ჰომოფობიასთან დაკავშირებით - ორივე პოლიტიკური ძალის წარმომადგენლები ცდილობენ პრორუსული განწყობების ფონზე, ევროსკეპტიციზმის გაღვივებას და ჰომოფობიის პოლიტიკურ ინსტრუმენტალიზაციას. 

სოციალური ქსელების და ონლაინ მედიის მონიტორინგის შედეგად, ულტრამემარჯვენე დაჯგუფებების დისკურსში ორი ძირითადი მიმართულება გამოიკვეთა:

  1. ჰომოფობიური რიტორიკა, რომელიც 17 მაისის მოახლოების პარალელურად გააქტიურდა და კულმინაციას მიაღწია 8 ივლისს, „თბილისი პრაიდის“ მიერ დაანონსებული ფესტივალის ჩაშლით. დაკვირვებამ გამოააშკარავა ხელისუფლების ლოიალური პოლიტიკა ულტრამემარჯვენე ძალადობრივი ჯგუფების მიმართ. გასული წლების მსგავსად, ულტრამემარჯვენე ჯგუფების ჰომოფობიური რიტორიკა ანტიდასავლურ დისკურსს ერწყმოდა და გაჯერებული იყო ეროვნული და რელიგიური სენტიმენტებით.
  2. პროკრემლისტური რიტორიკა, რაც განსაკუთრებით შესამჩნევი გახდა რუსეთის ფედერაციის მხრიდან საქართველოს მოქალაქეებისთვის დაწესებული სავიზო რეჟიმს გაუქმებისა და პირდაპირი საჰაერო მიმოსვლის განახლების ფონზე. ულტრამემარჯვენე ჯგუფები „ქართულ ოცნებასთან“ ერთად, ერთ ხმაში ცდილობდნენ რუსეთთან მჭიდრო კომუნიკაციის მნიშვნელობის ხაზგასმას, ეკონომიკური სარგებლიანობის მოტივით. აღსანიშნავია, რომ ღიად პრორუსული, ძალადობრივი პოლიტიკური დაჯგუფება „კონსერვატიული მოძრაობა/ალტ-ინფო“ საკუთარ მიღწევად წარმოაჩენდა რუსეთის პრეზიდენტის განკარგულებას სავიზო რეჟიმის გაუქმებისა და საქართველოსთან პირდაპირი ფრენების აღდგენას.ს
გარდა ამისა, საანგარიშო პერიოდში შესამჩნევი იყო ულტრამემარჯვენე იდეოლოგიის მქონე სხვა ჯგუფების პოლიტიკურ ველზე გააქტიურება. კერძოდ, 2023 წელს ცნობილი გახდა, რომ  ნეოფაშისტმა გიორგი ჭელიძემ ჯგუფი „საქართველოს ეროვნული ერთობა“ დააფუძნა და 2024 წლის არჩევნებში მონაწილეობაც დააანონსა.

ულტრამემარჯვენე ჯგუფების პოლიტიკური დისკურსი ონლაინ და სოციალურ მედიაში

როგორ ზრდის რუსეთი აფხაზეთში საკუთარ მოქალაქეთა რაოდენობას და რა ფასად უჯდებათ ადგილობრივებს რუსული პასპორტი

ოკუპირებულ აფხაზეთში რუსეთის მიერ წარმოებული პასპორტიზაციის პოლიტიკა ახალ, გაცილებით აგრესიულ ფაზაში შედის. 

18.11.2026
რუსეთის ინიციატივები და საქართველოს წინაშე არსებული დიპლომატიური გამოწვევები

რუსეთი ბოლო პერიოდში აქტიურად ცდილობს ოკუპირებული ტერიტორების საკითხის წინ წამოწევას და საქართველოსგან ამ ტერიორების სამართლებრივად ჩამოშორებას. 

29.10.2026
მედიის თავისუფლება და ინფორმაციის მიღების უფლება საქართველოში

2024–2026 წლებში საქართველოში მედიის მდგომარეობა მკვეთრად გაუარესდა. ამ პერიოდში მიღებულმა საკანონმდებლო ცვლილებებმა და ინსტიტუციურმა ზომებმა მნიშვნელოვნად შეზღუდა ფუნდამენტური თავისუფლებები.

28.10.2026