GEO   ENG
სიახლეები
DRI-ის განცხადება
20.06.2019
„დემოკრატიის კვლევის ინსტიტუტი“ (DRI) ეხმიანება უკანასკნელ პერიოდში რადიკალურად განწყობილი, ულტრა-მემარჯვენე ჯგუფების გააქტიურებას და მიაჩნია, რომ ხელისუფლების შესაბამისი ორგანოების არაეფექტურმა და დაგვიანებულმა ნაბიჯებმა აღნიშნულ ჯგუფებში დაუსჯელობის განცდა წაახალისა, რაც გუშინ მეტროსადგურ „რუსთაველში“ ახალგაზრდების ცემაში, ფიზიკურ ძალადობასა და „თბილისი პრაიდის“ ორგანიზატორების მისამართით სიცოცხლის მოსპობის მუქარაში გამოიხატა.

შექმნილი მდგომარეობა ფეთქებადსაშიშია და ხელისუფლების მხრიდან განსაკუთრებულ ყურადღებას მოითხოვს. „დემოკრატიის კვლევის ინსტიტუტი“ მიესალმება შინაგან საქმეთა სამინისტროს განცხადებას უკანონო ფორმირების შექმნის, ხელმძღვანელობის და მასში გაწევრიანების ფაქტებზე სისხლის სამართლის გამოძიების დაწყების შესახებ და მიაჩნია, რომ მხოლოდ ობიექტურმა, დროულმა და ეფექტიანმა გამოძიებამ შეიძლება შეასრულოს პრევენციული როლი მსგავსი ძალადობრივი დაჯგუფების მომავალში შექმნის აღსაკვეთად.

ამავე დროს, მხოლოდ ცალკე აღებული გამოძიება ვერ იქნება საკმარისი ძალადობის გაზრდილი მასშტაბების შესაჩერებლად. მნიშვნელოვანია, შინაგან საქმეთა სამინისტრომ გამოხატვის თავისუფლების კანონმდებლობით დადგენილ ფარგლებში უზრუნველყოს ინტენსიური პატრულირება საჯარო შეკრებების ადგილას, დაუყოვნებლივ აღკვეთოს ულტრამემერაჯვენე ჯგუფების წარმომადგენლების მხრიდან ძალადობის და დანაშაულის ჩადენისკენ მოწოდება და უზრუნველყოს ლგბტქი თემის წარმომადგენელთა უსაფრთხოება.

"დემოკრატიის კვლევის ინსტიტუტი" გამოთქვამს მზადყოფნას, სამართლებრივი დახმარება გაუწიოს სიძულვილით მოტივირებული დანაშაულის შედეგად დაზარალებულ პირებს შინაგან საქმეთა სამინისტროში, პროკურატურასა და სასამართლოში წარმომადგენლობის გზით.
,,რუსული კანონის“ დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს
12 ქართული არასამთავრობო ორგანიზაცია ვაგრძელებთ აპრილი-მაისის პერიოდში "რუსული კანონის" წინააღმდეგ მიმდინარე საპროტესტო აქციების დროს დაკავებული და დაზარალებული პირების უფლებების დაცვას.
16.05.2024
რუსული კანონი უპირობოდ უნდა იქნას გაწვეული
14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს.
16.05.2024
DRI: აქციის მონაწილეების მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად

DRI ეხმიანება 13 მაისს პარლამენტის მიმდებარე ტერიტორიაზე სპეციალური დანიშნულების რაზმის თანამშრომლების მიერ აქციის მონაწილეების მიმართ ფიზიკური ანგარიშსწორების ფაქტებს, რაც ვერ ჩაითვლება კანონიერ საპოლიციო ღონისძიებებად.

13.05.2024