სიახლეები
DRI მარნეულში ჟურნალისტებზე ძალადობას გმობს და სამართალდამცავებს ობიექტური გამოძიებისკენ მოუწოდებს
30.09.2020
დემოკრატიის კვლევის ინსტიტუტი ეხმიანება 29 სექტემბერს მარნეულში ჟურნალისტებსა და ოპერატორებზე ფიზიკური ანგარიშსწორების, მათი ჯანმრთელობისა და კუთვნილი აპარატურის დაზიანების ფაქტებს. DRI შეახსენებს ხელისუფლებას, რომ უპირველეს ყოვლისა მას ეკისრება ძალადობისგან თავისუფალ წინასაარჩევნო გარემოზე პასუხისმგებლობა, სადაც უზრუნველყოფილია პოლიტიკურად მიუღებელი კრიტიკული მოსაზრებების თავისუფლად გამოხატვა.
გავრცელებული ინფორმაციით, ჟურნალისტებზე თავდასხმას წინ უძღოდა ძალადობა ერთიანი ნაციონალური მოძრაობის საოლქო კომისიის წევრზე. ფიზიკური დაპირისპირება საოლქო საარჩევნო კომისიის წევრების არჩევაზე არსებულმა უთანხმოებამ გამოიწვია. თავდამსხმელებმა დააზიანეს ნაციონალური მოძრაობის წევრის ლაშა ქველაძეს კუთვნილი ავტომობილი და ფიზიკურად გაუსწორდნენ მასთან მყოფ სამ პირს.
ფაქტის გასაშუქებლად პარტია ქართული ოცნების ოფისის წინ მისულ მთავარი არხისა და საზოგადოებრივი მაუწყებლის ჟურნალისტებს ფიზიკური შეურაცხყოფა მიაყენა ათამდე პირმა. თავდამსხმელები ასევე ფიზიკურად გაუსწორდნენ ოპერატორებს და დააზიანეს მათი ტექნიკა. დემოკრატიის კვლევის ინსტიტუტი მიიჩნევს, რომ ჟურნალისტებზე ძალადობა მიზნად ისახავდა ისეთი მაღალი საჯარო ინტერესის მოვლენების გაშუქებისთვის ხელის შეშლას, როგორებიცაა არჩევნები, არჩევნებისთვის მზადება და სამოქალაქო აქტივისტების დევნა.
ფიზიკური ანგარიშწორების მსხვერპლი გახდა სადამკვირვებლო ორგანიზაციის წარმომადგენელი გიორგი მუმლაძეც. დაზარალებულის გადმოცემით, მას ფიზიკურად უშუალოდ საკრებულოს თავმჯდომარე გაუსწორდა. სამართალდამცავების უმოქმედობამ კი ხელი შეუწყო ძალადობისა და ფიზიკური ანგარიშსწორების მომდევნო ეპიზოდებს.
დემოკრატიის კვლევის ინსტიტუტი მოუწოდებს:
სამართალდამცავ ორგანოებს - შემჭიდროვებულ ვადებში ობიექტურად და სრულყოფილად გამოიძიონ ჟურნალისტებზე, სამოქალაქო აქტივისტებსა და ოპოზიციური პარტიის წარმომადგენლებზე ძალადობის შემთხვევები.
ხელისუფლების უმაღლესი თანამდებობის პირებს - საჯაროდ და ცალსახად დაგმონ პოლიტიკური ნიშნით ანგარიშსწორებისა და ჟურნალისტურ საქმიანობაში ხელის შეშლის ფაქტები.
DRI: ქართულმა სახელმწიფომ ფაქტობრივად უგულებელყო ევროსასამართლოს მოთხოვნა და აზერბაიჯანელი ჟურნალისტი ქვეყნიდან გააძევა
სახელმწიფომ,
აზერბაიჯანელი ჟურნალისტი მიმართ მიღებული გადაწყვეტილებით, უხეშად დაარღვია ადამიანის უფლებები, მათ შორის, ადამიანის უფლებათა
ევროპული კონვენცია და მოქმედი კანონმდებლობა.
06.04.2026
რუსული რბილი ძალის გაგრძელება ოკუპირებულ რეგიონებში
რუსეთი კვლავ განაგრძობს რბილი ძალით საქართველოს ოკუპირებული ტერიტორიების ანექსიისკენ მიზანმიმართულ ქმედებებს.
02.04.2026
ანტიკორუფციული ბიუროს საქმიანობის მიმოხილვა
ანტიკორუფციული ბიურო ევროკომისიის რეკომენდაციების შესრულების ფარგლებში, 2022 წელს შეიქმნა. რეკომენდაცია ანტიკორუფციული ორგანოს დამოუკიდებლობასა და ფუნქციურ გაძლიერებას ითვალისწინებდა.
25.03.2026
