სიახლეები
ახალგორის რაიონის სოფელ მიდელაანში კგბ-მ ჩხრეკა ჩაატარა
11.10.2021
დემოკრატიის კვლევის ინსტიტუტის ინფორმაციით, 2021 წლის 8 ოქტომბერს ახალგორის მუნიციპალიტეტის მაღალმთიანი სოფლის მიდელაანის მკვიდრი, ყოველგვარი საფუძვლის გარეშე, 48 საათით დააკავეს. მისი სახლის ჩხრეკა ე.წ. სამხრეთ ოსეთის კგბ-მ ჩაატარა, თითქოსდა იარაღისა და ნარკოტიკის ამოღების მიზნით.
დაკავებული პირი მარტო ცხოვრობს, სოფელში სასოფლო-სამეურნეო საქმიანობას და მესაქონლეობას ეწევა. მისი ოჯახი ამჟამად თბილისის კონტროლირებად ტერიტორიაზე იმყოფება. სოფელში მისი დაკავების შესახებ შემთხვევით, იმით შეიტყვეს, რომ დაკავებულის საქონელი ორი დღე უპატრონოდ იყო.
სოფელ მიდელაანში 20-მდე ადამიანი ცხოვრობს. სოფელთან ახლოს რუსული სამხედრო ბაზაა. დემოკრატიის კვლევის ინსტიტუტის შეფასებით, ადგილობრივის სახლში ჩხრეკა და დროებითი დაკავება, რუსული რეპრესიული პოლიტიკის გააქტიურებაზე მიუთითებს, რისი საბოლოო მიზანიც, დაშინების გზით ახალგორის მუნიციპალიტეტის სოფლების დაცლაა. დე-ფაქტო სამხრეთ ოსეთის მთავრობა ადგილობრივი მოსახლეობის დაშინებას და მორჩილებას დაკავებებით და უკანონო ქმედებებით ცდილობს.
დემოკრატიის კვლევის ინსტიტუტი მოუწოდებს საქართველოს ხელისუფლებას, სათანადო ყურადღება გამოიჩინოს ოკუპირებულ ტერიტორიებზე არსებული მდგომარეობის მიმართ და გააქტიუროს ძალისხმევა, ახალგორში დარჩენილი ადგილობრივი მოსახლეობის უფლებების შელახვის და დაშინების პოლიტიკის შესაჩერებლად.
პატიმრობის უპრეცედენტო ზრდა და გათავისუფლების მექანიზმების კრიზისი
საქართველოს სისხლის სამართლებრივი პოლიტიკა
მკვეთრად გადაიხარა რეპრესიული მართლმსაჯულებისკენ, რამაც ქვეყანა პენიტენციური სისტემის
კრიტიკულ გადატვირთვამდე მიიყვანა.
10.06.2026
კორუფცია აფხაზეთში და რუსული გავლენები
აფხაზეთში კორუფცია დიდი ხანია გასცდა ცალკეული სამართალდარღვევების ფარგლებს და სისტემურ კრიზისად იქცა, რომელიც მოიცავს სახელმწიფო მმართველობის ყველა სფეროს მოიცავს.
05.06.2026
DRI-მ გაეროში ახალგორელი აქტივისტის თამარ მეარაყიშვილის საქმეზე კომუნიკაცია წარადგინა
14 მაისს, DRI-იმ ახალგორელი აქტივისტის, თამარ მეარაყიშვილის საქმეზე გაეროს თვითნებური დაკავებების სამუშაო ჯგუფთან კომუნიკაცია წარადგინა.
04.06.2026
