GEO   ENG
სიახლეები
DRI-ის მიერ წამოწეული პრობლემები აშშ სახელმწიფო დეპარტამენტის ანგარიშში მოხვდა
14.04.2022
ამერიკის შეერთებული შტატების სახელმწიფო დეპარტამენტმა საქართველოში ადამიანის უფლებების შესახებ 2021 წლის ანგარიში გამოაქვეყნა. ოკუპირებული ტერიტორიების შესახებ მომზადებული ნაწილში ხაზგასმულია დემოკრატიის კვლევის ინსტიტუტის (DRI)-ის მიერ წამოწეული პრობლემები.

31 მაისს,  დემოკრატიის კვლევის ინსტიტუტმა გაავრცელა განცხადება სამხრეთ ოსეთის დე ფაქტო შსს მინისტრის ავტომობილზე თავდასხმის ბრალდებით დაკავებული 30 წლის ინალ ჯაბიევის შესახებ, რომელიც რამდენიმედღიანი დაკითხვის შემდეგ, 2020 წლის 28 აგვისტოს ცხინვალის წინასწარი დაკავების იზოლატორში გარდაიცვალა. ინალ ჯაბიევი სავარაუდოდ წამების და არაადამიანური მოპყრობის მსხვერპლი გახდა, რამაც მისი სიკვდილი გამოიწვია. მისმა საქმემ სამხრეთ ოსეთში/ცხინვალის რეგიონში არსებული სერიოზული სისტემური პრობლემები გამოააშკარავა. ჯაბიევის საქმეში სახეზე იყო ადამიანის უფლებების დარღვევის მთელი ჯაჭვი: სიცოცხლის უფლების ხელყოფა, წამება, საქმის სამართლიანი განხილვის უფლების წართმევა, შეკრებისა და გაერთიანების თავისუფლების შეზღუდვა, ადვოკატის ყოლის უფლების შეზღუდვა და სხვ.

სახელმწიფო დეპარტამენტის მიერ მომზადებულ ანგარიშში ასევე ყურადღებაა გამახვილებული „ოჯახის გაერთიანების“ პროგრამის შესახებ, რომელსაც დე-ფაქტო სამხრეთ ოსეთის მთავრობა ადგილობრივ მოსახლეობაზე ზეწოლის იარაღად იყენებდა. პროგრამა ახალგორში მაცხოვრებლების საქართველოს ცენტრალური ხელისუფლების მიერ კონტროლირებად ტერიტორიაზე საცხოვრებლად დაბრუნებას გულისხმობდა. წასვლის მსურველებს უნდა მოეპოვებინათ დოკუმენტები, რომლითაც დადასტურდებოდა, რომ მათ ე.წ. საზღვრის მეორე მხარეს ოჯახი ნამდვილად ელოდათ. ყველაზე მნიშვნელოვანი და სახიფათო ამ პროგრამაში „გასვლის დოკუმენტის“ შინაარსი იყო, რომელიც რაიონიდან წამსვლელს უკან დაბრუნების შესაძლებლობას და საკუთრებაზე პრეტენზიის უფლება ართმევდა. დემოკრატიის კვლევის ინსტიტუტმა განსაკუთრებული შეშფოთება გამოთქვა ამ პროგრამის გრძელვადიანი შედეგების შესახებ და ამ ფაქტს ახალგორის ეთნიკურად ქართველი მოსახლეობისგან დაცლის „ლეგალური“ გზა უწოდა.
,,რუსული კანონის“ დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს
12 ქართული არასამთავრობო ორგანიზაცია ვაგრძელებთ აპრილი-მაისის პერიოდში "რუსული კანონის" წინააღმდეგ მიმდინარე საპროტესტო აქციების დროს დაკავებული და დაზარალებული პირების უფლებების დაცვას.
16.05.2024
რუსული კანონი უპირობოდ უნდა იქნას გაწვეული
14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს.
16.05.2024
DRI: აქციის მონაწილეების მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად

DRI ეხმიანება 13 მაისს პარლამენტის მიმდებარე ტერიტორიაზე სპეციალური დანიშნულების რაზმის თანამშრომლების მიერ აქციის მონაწილეების მიმართ ფიზიკური ანგარიშსწორების ფაქტებს, რაც ვერ ჩაითვლება კანონიერ საპოლიციო ღონისძიებებად.

13.05.2024