GEO   ENG
სიახლეები
ე.წ. სტენსილების საქმეზე DRI შინაგან საქმეთა სამინისტროს მიმართავს
26.04.2022
მედია საშუალებებით გავრცელებული ინფორმაციის თანახმად, ქალაქ თბილისის მუნიციპალიტეტის ტერიტორიაზე სხვადასხვა შენობებზე გამოსახული სტენსილების შესრულების ფაქტზე, შსს-მ ადმინისტრაციული წესით სამართალწარმოება დაიწყო.  შსს-ს განცხადებით, სტენსილ(ებ)ის ავტორი იდენტიფიცირებულია.

მიუხედავად იმისა, რომ საზოგადოებაში გავრცელებული მოსაზრების თანახმად, სტენსილები შესაძლოა გამოხატავდეს ბომბდამშენს, სამართალდამცველები ამბობენ, რომ პირი საკუთარ კატას ხატავდა. უკრაინის მწარე გამოცდილების ფონზე და იმის გათვალისწინებით, რომ საქართველოში მასიურად ხდება ოკუპანტი სახელმწიფოს მოქალაქეების შემოდინება, საზოგადოების წუხილი, რომ სტენსილებს შესაძლოა ჰქონდეს სამხედრო ოპერაციებთან დაკავშირებული დანიშნულება, ლეგიტიმურია.

შესაბამისად, მაღალი საზოგადოებრივი ინტერესის გათვალისწინებით, დემოკრატიის კვლევის ინსტიტუტმა წერილობით მიმართა შინაგან საქმეთა სამინისტროს და მოითხოვა ინფორმაცია: 

  1. რა საგამოძიებო მოქმედებები ჩაატარა შსს-მ, რამაც დანაშაულის ნიშნების არსებობა გამორიცხა.
  2. დაიწყო თუ არა ე.წ. სტენსილების საქმეზე ადმინისტრაციული სამართალწარმოების პროცედურა. იმ შემთხვევაში თუ დაიწყო, რამდენი პირის მიმართ და რა სამართლებრივი საფუძვლებით
  3. მედიით გავრცელებული ინფორმაციით, რუსეთის ფედერაციის მოქალაქე გიორგი გიგოლაშვილი აცხადებდა, რომ მან მხოლოდ ერთი სტენსილი შეასრულა. მოიძია თუ არა საქართველოს შინაგან საქმეთა სამინისტრომ, ვინ შეასრულა დანარჩენი გამოსახულებები.
შემაშფოთებელია ჩრდილოეთ კავკასიელების მიმართ საზღვარზე შემოწმების სავარაუდო დისკრიმინაციული მიდგომა
ხელმომწერი ორგანიზაციები ვეხმიანებით მედიასა და სოციალურ ქსელებში გავრცელებულ ინფორმაციას, რომელიც საქართველოს სამართალდამცავი ორგანოების მხრიდან ლარსის საზღვარზე ჩრდილოეთკავკასიელების სპეციალური და უფრო მკაცრი შემოწმების სავარაუდოდ დისკრიმინაციული გამოცდილებას აჩვენებს.
28.09.2022
“თანაგრძნობას ვუცხადებთ ორივე მხარეს” – სამოქალაქო საზოგადოება აფხაზეთის ომზე
27 სექტემბერი, აფხაზეთის ომის დასრულებიდან 29 წლის შემდეგ, კიდევ ერთხელ შეგვახსენებს ქართველი და აფხაზი ხალხის წარსულ ტრაგედიებს და განგრძობადი კონფლიქტის მძიმე რეალობას.
28.09.2022
სამოქალაქო სექტორი სასამართლო სისტემაში არსებული ვითარების შესასწავლად საგამოძიებო კომისიის შექმნას ითხოვს
ბოლო რამდენიმე დღეა საზოგადოების ყურადღება მიიქცია ყოფილი მოსამართლეების განცხადებებმა, რომლებიც მოსამართლეებზე ზეწოლის და მართლმსაჯულების სისტემაში არაჯეროვანი ჩარევის ფაქტებზე საჯაროდ საუბრობენ. 
22.09.2022