იუსტიციის საბჭოში არსებითი გადაწყვეტილებების მისაღებად საჭირო მინიმალურ კვორუმად განისაზღვროს მოსამართლე და არამოსამართლე წევრების 2/3 (ე.წ. ორმაგი 2/3)

იუსტიციის საბჭოში არ უნდა იყვნენ მოსამართლეები, რომლებსაც უკავიათ სასამართლოს თავმჯდომარის (თავმჯდომარის მოადგილის, კოლეგიის, პალატის თავმჯდომარის) თანამდებობა

იუსტიციის საბჭოს წევრების განმეორებითი არჩევა უნდა შეიზღუდოს

მოსამართლის მივლინების კონკრეტული საფუძვლები უნდა განისაზღვროს კანონით. აღდგეს მოსამართლის მივლინების 2021 წლის დეკემბრის ცვლილებამდე არსებული მდგომარეობა.

საპარლამენტო ფორმატში შეფასდეს სასამართლო რეფორმის ოთხი ტალღის იმპლემენტაცია - პრაქტიკაში რეფორმით მიღებული სიკეთეები და არსებული გამოწვევები. შეფასება უნდა დაეფუძნოს არა მხოლოდ  მმართველი პარტიის, ასევე სხვა პოლიტიკური ჯგუფების, პროფესიული წრეების თუ საზოგადოებრივი ორგანიზაციების მიერ შემუშავებულ დოკუმენტებს და მოსაზრებებს.

მართლმსაჯულების სტრატეგია და სამოქმედო გეგმა უნდა შემუშავდეს რეფორმის ოთხი ტალღის შედეგების შეფასების შედეგების გათვალისწინებით.

პროექტი ხორციელდება  ‘საქართველოს სტრატეგიული კვლევებისა და განვითარების ცენტრის’ (CSRDG) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. 
პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).

წინადადებები სასამართლო რეფორმის თაობაზე ევროკავშირის რეკომენდაციების შესასრულებლად