დემოკრატიის კვლევის ინსტიტუტი (DRI) იწყებს განაცხადების მიღებას ბულინგისა და კიბერბულინგის პრევენციის ორდღიან სასწავლო პროგრამაში მონაწილეების შესარჩევად. პროგრამა განკუთვნილია ბავშვთა დაცვისა და კეთილდღეობის სფეროში მომუშავე პროფესიონალებისთვის  - სოციალური მუშაკების, ფსიქოლოგების, იურისტებისა და მასწავლებლებისთვის.

ტრენინგის თარიღები: გასვლითი ტრენინგი გაიმართება 2023 წლის 5-7 მარტს თბილისთან ახლოს.

 

მონაწილეობის მსურველებმა უნდა წარმოადგინონ:

ა) რეზიუმე (CV);

ბ) სამოტივაციო წერილი, რომელშიც აღწერილი იქნება, თუ როგორ გამოიყენებენ მონაწილეები ტრენინგზე მიღებულ ცოდნას (მაქსიმუმ 1 გვერდი);

განაცხადების მიღების ბოლო ვადაა 2023 წლის 28 თებერვალი, 18:00 საათი.

გთხოვთ, მოთხოვნილი დოკუმენტაცია გადმოაგზავნოთ ელექტრონულ მისამართზე info@democracyresearch.org. დასახელებაში მიუთითეთ „ბულინგისა და კიბერბულინგის სასწავლო პროგრამა“.

• ბავშვთა მიმართ ძალადობა, ძალადობის ფორმები და ძალადობის გამომწვევი მიზეზები;
• ბავშვზე ძალადობის ამოცნობის ნიშნები;
• ბულინგის არსი და ფორმები;
• კიბერბულინგის არსი და ფორმები;
• ბულინგისა და კიბერბულინგის პრევენციის მექანიზმები;
• ბულინგსა და კიბერბულინგზე რეაგირების მექანიზმები.

ტრენერები - მაია ცირამუა და მაია ჯაში.

დემოკრატიის კვლევის ინსტიტუტი სრულად დაფარავს ტრენინგთან დაკავშირებულ ხარჯებს.

ტრენინგ პროგრამა ხორციელდება  პროექტ „პარტნიორობა ბავშვთა მიმართ ძალადობის პრევენციისთვის“, რომელიც დაფინანსებულია გაერთიანებული სამეფოს ფონდის „მდგრადი მშვიდობისთვის - COBERM-ის დამატებითი ფინანსური ინსტრუმენტი“ მხარდაჭერით, რომელიც წარმოადგენს გაერთიანებული სამეფოს მთავრობისა (UK) და გაერთიანებული ერების განვითარების პროგრამის (UNDP) ერთობლივ ინიციატივას.