GEO   ENG
სიახლეები
საპარლამენტო ზედამხედველობა უსაფრთხოების ინსტიტუტებზე ხარვეზიანია
23.06.2023
22 ივნისს, დემოკრატიის კვლევის ინსტიტუტმა სამუშაო შეხვედრა „საპარლამენტო კონტროლი უსაფრთხოების სექტორზე“ გამართა.

შეხვედრის მიზანი იყო დემოკრატიის კვლევის ინსტიტუტის მიერ მომზადებული პარლამენტის რეგლამენტში შესატანი ცვლილებების შესახებ მომზადებული კანონის პროექტის სამუშაო ვერსიის დაინტერესებული მხარეებისთვის გაცნობა. შეხვედრას ესწრებოდნენ პარლამენტის წევრები და სამოქალაქო საზოგადოების წარმომადგენლები.

საქართველოს უსაფრთხოების სექტორზე რამდენიმე წლიანი დაკვირვება ცხადყოფს, რომ საპარლამენტო კონტროლის მექანიზმები სუსტია და გაძლიერებას საჭიროებს. ამ დაკვირვებას იზიარებს ევროპული კომისიაც. საპარლამენტო კონტროლის გაძლიერება, სამართალდამცველი უწყებების ანგარიშვალდებულება და მათზე ზედამხედველობის უზრუნველყოფა საქართველოს მიერ კანდიდატის სტატუსის მისაღებად აუცილებელ პირობებს წარმოადგენს (ევროპული კომისიის რეკომენდაციები 2 და 6). უსაფრთხოების სექტორზე საპარლამენტო კონტროლის მექანიზმების გაძლიერება შეუძლებელი იქნება ნდობის ჯგუფის მანდატის გაზრდის და მისი მუშაობის წესის ცვლილების გარეშე, რაც საქართველოს პარლამენტის რეგლამენტში ცვლილებების საჭიროებას განაპირობებს.

მომზადებული კანონის პროექტით იცვლება ნდობის ჯგუფის საქმიანობის მომწესრიგებელი კანონმდებლობა, იზრდება ნდობის ჯგუფის შემადგენლობა, წევრის უფლებამოსილება და დაკონკრეტებულია ნდობის ჯგუფის დაკომპლექტების წესი.
DRI-ს შემუშავებული წინადადებები, ევროკომისიის მხრიდან განსაზღვრულ პრიორიტეტებზე მუშაობის პროცესში, გაგზავნილი აქვს საპროცედურო საკითხთა და წესებისა  და თავდაცვისა და უშიშროების კომიტეტებისთვის.





,,რუსული კანონის“ დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს
12 ქართული არასამთავრობო ორგანიზაცია ვაგრძელებთ აპრილი-მაისის პერიოდში "რუსული კანონის" წინააღმდეგ მიმდინარე საპროტესტო აქციების დროს დაკავებული და დაზარალებული პირების უფლებების დაცვას.
16.05.2024
რუსული კანონი უპირობოდ უნდა იქნას გაწვეული
14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს.
16.05.2024
DRI: აქციის მონაწილეების მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად

DRI ეხმიანება 13 მაისს პარლამენტის მიმდებარე ტერიტორიაზე სპეციალური დანიშნულების რაზმის თანამშრომლების მიერ აქციის მონაწილეების მიმართ ფიზიკური ანგარიშსწორების ფაქტებს, რაც ვერ ჩაითვლება კანონიერ საპოლიციო ღონისძიებებად.

13.05.2024