სიახლეები
DRI: მშვიდობიან მოქალაქეებსა და სამოქალაქო აქტივისტებზე ძალადობა ნორმალიზებულია ხელისუფლების მიერ
11.05.2024
„ქართული ოცნება“ კვლავ აპირებს რუსული კანონის მიღებას, რომელიც საქართველოში თავისუფალ და კრიტიკულ მოსაზრებებს დაასამარებს. კანონპროექტის მიღება საქართველოს მოსახლეობას ევროკავშირისკენ მიმავალ გზას დაუკეტავს.
2024 წლის 10 მაისს, დაახლოებით ღამის 11 საათზე, რამდენიმე ათეული სპეცრაზმელი მოქალაქეს, რომელიც ლეონიძის ქუჩაზე საკუთარი ავტომობილით გადაადგილდებოდა, ოჯახის წევრების თანდასწრებით სასტიკად გაუსწორდა. სპეცრაზმელები ირაკლი წიგნაძეს თავს მას შემდეგ დაესხნენ, რაც მან უარი განაცხადა მისთვის განკუთვნილი საავტომობილო გზის ზოლი საწინააღმდეგო მიმართულებით მოძრავი სპეციალური დანიშნულების რაზმის ავტობუსისთვის დაეთმო.რუსული კანონის წინააღმდეგ მიმდინარე შეკრებების პარალელურად, აქტიურ მოქალაქეებზე თავდასხმებმა სამართალდამცავების და სამოქალაქო ტანსაცმელში ჩაცმული პირების მხრიდან ყოველდღიური ხასიათი მიიღო. დემოკრატიის კვლევის ინსტიტუტის შეფასებით, უკანონო ძალადობა მოწონებულია და სანქცირებულია ხელისუფლების მიერ, რასაც ადასტურებს შინაგან საქმეთა სამინისტროს უმოქმედობა და უკანონო ძალადობის ნორმალიზაციის მცდელობა.
დემოკრატიის კვლევის ინსტიტუტი მოუწოდებს შინაგან საქმეთა სამინისტროს, დაბრუნდეს კონსტიტუციურ და კანონიერ ჩარჩოებში და საქმიანობაში იხელმძღვანელოს ადამიანის ძირითადი უფლებებისა და თავისუფლებების დაცვისა და პატივისცემის, კანონიერების და პოლიტიკური ნეიტრალობის პრინციპებით.
რუსეთის ინიციატივები და საქართველოს წინაშე არსებული დიპლომატიური გამოწვევები
რუსეთი ბოლო პერიოდში აქტიურად ცდილობს ოკუპირებული ტერიტორების საკითხის წინ წამოწევას და საქართველოსგან ამ ტერიორების სამართლებრივად ჩამოშორებას.
29.10.2026
მედიის თავისუფლება და ინფორმაციის მიღების უფლება საქართველოში
2024–2026 წლებში საქართველოში მედიის მდგომარეობა მკვეთრად გაუარესდა. ამ პერიოდში მიღებულმა საკანონმდებლო ცვლილებებმა და ინსტიტუციურმა ზომებმა მნიშვნელოვნად შეზღუდა ფუნდამენტური თავისუფლებები.
28.10.2026
ადამიანის უფლებების დაცვის მექანიზმების შესუსტება საქართველოში: საკანონმდებლო, პოლიტიკისა და ინსტიტუციური ცვლილებების მიმოხილვა
ანგარიში მიმოიხილავს საქართველოში 2024–2026 წლებში განხორციელებულ საკანონმდებლო და ინსტიტუციურ ცვლილებებს და მათ გავლენას ადამიანის უფლებებსა და სამოქალაქო სივრცეზე.
27.10.2026
