„დემოკრატიის კვლევის ინსტიტუტი“ იწყებს პოლიტიკური შინაარსის მატარებელი ყველა აქციის, შეკრებისა და მანიფესტაციის დაკვირვებას, რომლებიც ორგანიზებულია პოლიტიკური პარტიების ან სამოქალაქო მოძრაობების მიერ.
ერთი მხრივ, მშვიდობიანი შეკრებების არაპროპორციული ძალის გამოყენებით დაშლამ 18 და 26 ნოემბერს, ხოლო მეორე მხრივ, 2 დეკემბერს, პარტია „ქართული ოფისის“ ცენტრალურ ოფისთან პოლიციის უმოქმედობამ, რის შედეგადაც რამდენიმე დემონსტრანტი დაშავდა, ნათლად წარმოაჩინა აქციების მიმდინარეობაზე ობიექტური და მიუკერძოებელი დაკვირვების აუცილებლობა.
„დემოკრატიის კვლევის ინსტიტუტის“ დამკვირვებლები დაესწრებიან თბილისის და მცხეთის მასშტაბით პოლიტიკური ძალების და სამოქალაქო მოძრაობების მიერ ორგანიზებულ ყველა აქციას, შეკრებასა და მანიფესტაციას, რომელიც პოლიტიკური შინაარსის მატარებელია. აქციებზე დაკვირვებისას დამკვირვებლები იხელმძღვანელებენ ეუთოს მეთოდოლოგიით, რომელიც შესაძლებლობას მოგვცემს ზუსტად და ერთგვაროვნად აღვწეროთ საპროტესტო აქციებისა და დემონსტრაციების დროს საკანონმდებლო მოთხოვნების დაცვა, გამოვკვეთოთ უფლებადარღვევის ფაქტები და დარღვევაზე პასუხისმგებელი პირები.
აქციებზე დაკვირვების გზით, „დემოკრატიის კვლევის ინსტიტუტი“ მიზნად ისახავს:
- აქციების ორგანიზატორების და მონაწილეების მხრიდან კანონმდებლობით გათვალისწინებული მოთხოვნების დაცვის შემოწმებას;
- აქციების მიმდინარეობის პროცესში გამოკვეთილი სამართალდარღვევების ანალიზს და სამართლებრივ შეფასებას;
- სამართალდამცავი ორგანოების წარმომადგენელთა ქმედების შესაბამისობის დადგენას საერთაშორისო სტანდარტებთან;
- აქციების მიმდინარეობის პროცესში გამოკვეთილი სამართალდარღვევების შესახებ საზოგადოებისთვის ობიექტური ინფორმაციის მიწოდებას;
- რეკომენდაციების გაზიარებას დაინტერესებული მხარეებისთვის.
რუსეთი ოკუპირებული აფხაზეთის, ცხინვალის რეგიონისა და დნესტრისპირეთის მოსახლეობისთვის რუსეთის მოქალაქეობის მიღებას კიდევ უფრო ხელმისაწვდომს ხდის.
უკვე წლებია, ხელისუფლებაში მყოფი პარტია მათ მიმართ კრიტიკულად განწყობილ პირებს დამამცირებელი, მუქარის შემცველი და მასტიგმატიზებელი ენით მიმართავს.
დე ფაქტო სამხრეთ ოსეთში საპრეზიდენტო არჩევნები 2026 წლის 18 სექტემბერს გაიმართება.
