ადამიანის უფლებათა ევროპულ სასამართლოში დემოკრატიის კვლევის ინსტიტუტის მიერ გაგზავნილი ახალი საქმეები დარეგისტრირდა

11 მარტის წერილით ცნობილი გახდა, რომ საქმე „წიბახაშვილი და სხვები საქართველოს წინააღმდეგ“ ოფიციალურად დარეგისტრირდა ადამიანის უფლებათა ევროპულ სასამართლოში.

გზის გადაკეტვის საფუძვლით, 2025 წლის 3 ნოემბერს დაკავებული ერთი ოჯახის რამდენიმე წევრი, რომელთაც ადმინისტრაციული პატიმრობა შეეფარდათ, სახელმწიფოს ედავება ადამიანის უფლებათა ევროპული კონვენციით დაცული რამდენიმე ფუნდამენტური უფლების დარღვევას, მათ შორის:

• მუხლი 5 — თავისუფლებისა და უსაფრთხოების უფლება
• მუხლი 6 — საქმის სამართლიანი განხილვის უფლება
• მუხლი 11 — შეკრებისა და გაერთიანების თავისუფლება
• მუხლი 18 — უფლებების შეზღუდვათა გამოყენების ფარგლები

საქმის არსებითი განხილვა და სასამართლოს პოზიცია მოგვიანებით გახდება ცნობილი.