GEO   ENG
სიახლეები
DRI: ოკუპირებულ ტერიტორიებზე პანდემიასთან გასამკლავებლად, აუცილებელია უფრო ეფექტიანი მუშაობა
20.03.2020
„დემოკრატიის კვლევის ინსტიტუტის“ ინფორმაციით, პანდემიის პირობებში ოკუპირებილ რეგიონებში ვითარება კრიტიკულია. გალის და ახალგორის კლინიკებს დღემდე არ გააჩნიათ როგორც COVID-19 ინფექციის დიაგნოსტიკის, ასევე პირველადი აუცილებლობის სადეზინფექციო საშუალებები.
 
მედიაში გავრცელებული ინფორმაციით, აფხაზეთის დე ფაქტო უწყებამ პანდემიის პერიოდში საერთაშორისო ორგანიზაციებისგან მიიღო ორი ჰუმანიტარული დახმარება, რომელიც სოხუმის ინფექციურ საავადმყოფოსა და ტუბ დისპანსერში გადაანაწილა, სადაც სამომავლოდ COVID-19 ინფექცია დადგენილი პაციენტების მკურნალობას გეგმავს[1]. თუმცა განცხადებაში არაფერია ნათქვამი გალის რაიონულ საავადმყოფოზე და მის პერსონალზე, რომელიც დაახლოებით 25000 ადამიანს ემსახურება. ის თავის მხრივ საჭიროებს, როგორც სამედიცინო აპარატურულ განახლებას, ასევე გადაუდებელი სამედიცინო დახმარებისთვის საჭირო საშუალებებით მომარაგებას, რათა მოხერხდეს ადგილზე სრულფასოვანი სამედიცინო გამოკვლევების და პაციენტებისთვის ადეკვატური სამედიცინო დახმარების აღმოჩენა.
 
ორგანიზაციის ხელთ არსებული ინფორმაციით, გალის ცენტრალური საავადმყოფოს პერსონალს ვირუსთან გამკლავების შესახებ დღემდე არანაირი რეკომენდაცია ან რაიმე სახის აღჭურვილობა არ მიუღია, ასევე არც მომართვიანობით ან ეპიდემიოლოგიური სტატისტიკით დაინტერესებულან.
 
მეორე მხრივ, საგანგაშოა, რომ გალის რაიონში მცხოვრებ მოსახლეობის უმეტესობას დოკუმენტებთან დაკავშირებით პრობლემები გააჩნია. რაც იმას ნიშნავს, რომ COVID-19 სიმპტომების დადგენის შემთხვევაში, შესაძლებელია, ისინი სოხუმის კლინიკებმა ვერ მიიღონ. გამშვები პუნქტების ჩაკეტვის პირობებში, სამედიცინო საჭიროების მქონე პირები ვერც საქართველოს კონტროლირებად ტერიტორიაზე შეძლებენ გადმოსვლას, ამიტომ კრიტიკულად მნიშვნელოვანია გალის საავადმყოფოს პანდემიასთან ბრძოლისთვის საჭირო სამედიცინო ინვენტარით უზრუნველყოფა.
 
მსგავსი ვითარებაა ოკუპირებულ ახალგორში, სადაც ბოლო ინფორმაციით, საკარანტინო ზონაში ხუთი პაციენტია მოთავსებული. მათ შორის, ერთი პაციენტი ახალგორის საავადმყოფოს სამშობიაროს ბოქსირებულ განყოფილებაში, სადაც საკარანტინო სივრცე შვიდ პაციენტზეა მოწყობილი[2]. ორგანიზაციის ინფორმაციით, არც საავადმყოფოში და არც კონკრეტულად ბოქსირებულ პალატაში არ ხდება სანიტარული ნორმების დაცვა; საავადმყოფოში ამ დრომდე არ ჩატარებულა სადეზინფექციო სამუშაოები; სამედიცინო პერსონალი, რომელსაც განთავსებულ პაციენტთან აქვს კონტაქტი, პირბადეების და სპეციალური ეკიპირების გარეშე გადაადგილდება. მათ ამ დრომდე არ გააჩნიათ ანტიბაქტერიული, სადეზინფექციო და დიაგნოსტიკისთვის აუცილებელი საშუალებები.
 
ორგანიზაცია მიესალმება შერიგებისა და სამოქალაქო თანასწორობის საკითხებში საქართველოს სახელმწიფო მინისტრის ქეთევან ციხელაშვილის განცხადებას, რომ საქართველოს ხელისუფლება არ აპირებს „ჩვენი მოსახლეობის მიტოვებას აფხაზეთსა და ცხინვალის რეგიონებში მსოფლიო პანდემიასთან გამკლავებისას“ და ინტენსიურ რეჟიმში მუშაობს, ყველა საკომუნიკაციო არხის გამოყენებით, ოკუპირებულ ტერიტორიებზე გარკვეული საპრევენციო ღონისძიებების გასატარებლად[3].
 
„დემოკრატიის კვლევის ინსტიტუტი“ მიიჩნევს, რომ ზემოაღნიშნული სირთულეების გათვალისწინებით, პანდემიის პირობებში ჯანდაცვაზე ხელმისაწვდომობის გასამარტივებლად, აუცილებელია უფრო ეფექტიანი მუშაობა დახმარების გზავნილის დე ფაქტო უწყებებთან მისატანად. გარდა ამისა, ოკუპირებულ რეგიონებში მცხოვრები მოსახლეობის დასახმარებლად მნიშვნელოვანია დამატებითი მექანიზმების შემუშავება, მათ შორის, გალის და ახალგორის კლინიკების პანდემიასთან ბრძოლისთვის საჭირო საშუალებებით უზრუნველსაყოფად ყველა არსებული რესურსის და საკომუნიკაციო არხის გამოყენება.
 
[1]Выборы и запреты: в Минздраве Абхазии рассказали о защитных мерах от коронавирусаhttp://bit.do/fBNU4
[2]„ვითარება ცხინვალში: ტრანსკავკასიური მაგისტრალი დაკეტილია“ გოგა აფციაური რადიო თავისუფლებაhttp://bit.do/fCi4S
[3] ქეთევან ციხელაშვილი - არ ვაპირებთ ჩვენი მოსახლეობის მიტოვებას აფხაზეთსა და ცხინვალის რეგიონებში მსოფლიო პანდემიასთან გამკლავებისას, 14.03.2020, https://1tv.ge/news/qetevan-cikhelashvili-ar-vapirebt-chveni-mosakhleobis-mitovebas-afkhazetsa-da-ckhinvalis-regionebshi-msoflio-pandemiastan-gamklavebisas/
 
,,რუსული კანონის“ დასაცავად ხელისუფლება მშვიდობიანი აქციის მონაწილეების წინააღმდეგ ძალადობას აგრძელებს
12 ქართული არასამთავრობო ორგანიზაცია ვაგრძელებთ აპრილი-მაისის პერიოდში "რუსული კანონის" წინააღმდეგ მიმდინარე საპროტესტო აქციების დროს დაკავებული და დაზარალებული პირების უფლებების დაცვას.
16.05.2024
რუსული კანონი უპირობოდ უნდა იქნას გაწვეული
14 მაისს საქართველოს პარლამენტის უმრავლესობის წევრებმა ქართველი ხალხის ეროვნული ინტერესებისა და კონსტიტუციის საწინააღმდეგო რუსული კანონი მესამე მოსმენით მიიღეს.
16.05.2024
DRI: აქციის მონაწილეების მიმართ გამოყენებული ფიზიკური ანგარიშსწორება ვერ ჩაითვლება კანონიერ საპოლიციო ღონისძიებად

DRI ეხმიანება 13 მაისს პარლამენტის მიმდებარე ტერიტორიაზე სპეციალური დანიშნულების რაზმის თანამშრომლების მიერ აქციის მონაწილეების მიმართ ფიზიკური ანგარიშსწორების ფაქტებს, რაც ვერ ჩაითვლება კანონიერ საპოლიციო ღონისძიებებად.

13.05.2024