ვაკანსიები
ტრენინგი ადვოკატირების საკითხებზე კონფლიქტით დაზარალებულ რეგიონებში მომუშავე აქტივისტებისთვის
29.06.2021
„დემოკრატიის კვლევის ინსტიტუტი“ (DRI) იწყებს განაცხადების მიღებას ადვოკატირების დაგეგმვა/განხორციელების ტრენინგის მონაწილეთა შესარჩევად.
ტრენინგის თარიღები:
ტრენინგი გაიმართება 2021 წლის 16-19 ივლისს, კახეთში.
ვის შეუძლია მონაწილეობის მიღება?
მონაწილეობა შეუძლიათ კონფლიქტით დაზარალებულ რეგიონებში მომუშავე აქტივისტებს, მოქალაქეთა ჯგუფებსა და არასამთავრობო ორგანიზაციების წარმომადგენლებს.
წარმოსადგენი დოკუმენტაცია:
მონაწილეობის მსურველებმა უნდა წარმოადგინონ:
ა) რეზიუმე (CV), რომელშიც ხაზგასმული იქნება კონფლიქტით დაზარალებულ რეგიონებში სამოქალაქო აქტივიზმის კუთხით გაწეული საქმიანობები;
ბ) სამოტივაციო წერილი, რომელშიც აღწერილი იქნება, თუ როგორ გამოიყენებთ ტრენინგებზე მიღებულ ცოდნას.
განაცხადების მიღების ბოლო ვადაა 2021 წლის 5 ივლისი, 18:00 საათი.
გთხოვთ, მოთხოვნილი დოკუმენტაცია გადმოაგზავნოთ ელექტრონულ მისამართზე info@democracyresearch.org; მეილის დასახელებაში მიუთითეთ „ადვოკატირების დაგეგმვა/განხორციელების ტრენინგი“
ტრენინგზე განსახილველი საკითხები:
- დემოკრატიის არსი და სამოქალაქო საზოგადოების როლი სახელმწიფოს მართვაში;
- სამოქალაქო ჩართულობის მნიშვნელობა, ფორმები და საფეხურები;
- გამოწვევებისა და სირთულეების გააზრება სამოქალაქო ჩართულობის გზაზე;
- ადვოკატირების მნიშვნელობის გააზრება. მისი მიზნების, ამოცანებისა და ფორმების გაცნობა;
- ადვოკატირების პროცესში პრობლემის დადგენისა და პრობლემის შესწავლისთვის საჭირო ინფორმაციის მოძიების მეთოდები;
- ადვოკატირების პორტფოლიოს წარმატებული ნიმუშების გაცნობა;
„დემოკრატიის კვლევის ინსტიტუტი“ სრულად დაფარავს ტრენინგთან დაკავშირებულ ხარჯებს.
ტრენინგი „დემოკრატიის ევროპული წვლილის“ მხარდაჭერით ტარდება და მიზნად ისახავს ადამიანის უფლებების დაცვის კუთხით სამოქალაქო აქტივისტების შესაძლებლობების გაძლიერებას.
ტრენინგი "ბულინგისა და კიბერბულინგის პრევენცია"
დემოკრატიის კვლევის ინსტიტუტი (DRI) იწყებს განაცხადების მიღებას ბულინგისა და კიბერბულინგის პრევენციის ორდღიან სასწავლო პროგრამაში მონაწილეების შესარჩევად.
21.02.2023
ვაკანსია იურისტის პოზიციაზე
დემოკრატიის კვლევის ინსტიტუტი აცხადებს ვაკანსიას იურისტის პოზიციაზე, "ეროვნული წვლილი დემოკრატიისთვის" (NED) მიერ დაფინანსებული პროექტის "ანგარიშვალდებული და გამჭვირვალე უსაფრთხოების სექტორის მხარდასაჭერად" ფარგლებში.
08.02.2022
ტრენინგი კონფლიქტით დაზარალებული რეგიონების აქტივისტებისთვის
დემოკრატიის კვლევის ინსტიტუტი (DRI) იწყებს განაცხადების მიღებას უსაფრთხოებისა და ადვოკატირების დაგეგმვა/განხორციელების ტრენინგის მონაწილეთა შესარჩევად. ტრენინგი განკუთვნილია კონფლიქტით დაზარალებული რეგიონების აქტივისტებისთვის.
21.10.2021
