2020 წლის განმავლობაში, დემოკრატიის კვლევის ინსტიტუტმა საოკუპაციო ხაზთან მდებარე სოფლების მაცხოვრებლების პრობლემები და საჭიროებები გამოავლინა. DRI-ის მკვლევარები გორის, ქარელის, კასპის, დუშეთის, წალენჯიხის და ზუგდიდის მუნიციპალიტეტების 24 სოფელში და დევნილთა ორ დასახლებაში იმყოფებოდნენ. მონახულებულ სოფლებში მოსახლეობა ძირითადად საპენსიო ასაკისაა.

მონიტორინგის შედეგად გამოვლინდა გადაადგილების თავისუფლების, უსაფრთხოების, დასახლებულ პუნქტებში შესვლის დაუსაბუთებელი აკრძალვის და მუდმივი კონტროლის შემთხვევები; სახეზეა სოციალურ-ეკონომიკური და ინფრასტრუქტურული პრობლემები. ბევრ დასახლებაში არ ფუნქციონირებს სკოლამდელი დაწესებულებები და სკოლები; მონახულებული სოფლების ნაწილში დაზიანებულია ან არ არსებობს სამანქანო გზები; სოფლის მოსახლეობას აწუხებს სარწყავი, და სასმელი წყლის პრობლემა; სოფლების უმრავლესობაში არ ფუნქციონირებს აფთიაქი და სამედიცინო პუნქტები. არაერთ დასახლებულ პუნქტს არ აქვს სასურსათო მაღაზია.

შედეგად, საოკუპაციო ხაზთან არსებულ სოფლებში მიგრაციის მაჩვენებელი მაღალია. სოფლებს ტოვებენ ახალგაზრდები.  

საოკუპაციო ხაზთან მდებარე სოფლების საჭიროებები