16-19 ივლისს, კახეთში, დემოკრატიის კვლევის ინსტიტუტმა კონფლიქტით დაზარალებული რეგიონებიდან სამოქალაქო აქტივისტებისა და ახალგაზრდებისთვის ადვოკატირების დაგეგმვა/განხორციელების ტრენინგი ჩაატარა.

ტრენინგი „დემოკრატიის ევროპული წვლილის“ მხარდაჭერით ჩატარდა და მიზნად ისახავდა სამოქალაქო აქტივისტებში ადვოკატირების საკითხებზე ცოდნის ამაღლებას.

ტრენინგის ფარგლებში მონაწილეებმა გაიარეს შემდეგი საკითხები: დემოკრატიის არსი და სამოქალაქო საზოგადოების როლი სახელმწიფოს მართვაში; სამოქალაქო ჩართულობის მნიშვნელობა, ფორმები, საფეხურები და გამოწვევები; ადვოკატირების მნიშვნელობა და ამ პროცესში არსებული პრობლემის დადგენისა და შესწავლისთვის საჭირო ინფორმაციის მოძიების მეთოდები.