GEO   ENG
ვაკანსიები
ტრენინგი კონფლიქტით დაზარალებული რეგიონების აქტივისტებისთვის
21.10.2021
დემოკრატიის კვლევის ინსტიტუტი (DRI) იწყებს განაცხადების მიღებას უსაფრთხოებისა და ადვოკატირების დაგეგმვა/განხორციელების ტრენინგის მონაწილეთა შესარჩევად. ტრენინგი განკუთვნილია კონფლიქტით დაზარალებული რეგიონების აქტივისტებისთვის.

ტრენინგის თარიღები: გასვლითი ტრენინგი გაიმართება 2021 წლის 3-7 ნოემბერს, თბილისთან ახლოს.
ვის შეუძლია მონაწილეობის მიღება?

ტრენინგში მონაწილეობის მიღება შეუძლიათ კონფლიქტით დაზარალებულ რეგიონებში მომუშავე აქტივისტებს, მოქალაქეთა ჯგუფებისა და არასამთავრობო ორგანიზაციების წარმომადგენლებს. პრიორიტეტი მიენიჭებათ აპლიკანტებს ოკუპირებული ტერიტორიებიდან.

წარმოსადგენი დოკუმენტაცია:
მონაწილეობის მსურველებმა უნდა წარმოადგინონ:
ა) რეზიუმე (CV), რომელშიც ხაზგასმული იქნება კონფლიქტით დაზარალებულ რეგიონებში სამოქალაქო აქტივიზმის კუთხით გაწეული საქმიანობები
ბ) სამოტივაციო წერილი, რომელშიც აღწერილი იქნება, თუ როგორ გამოიყენებენ მონაწილეები ტრენინგზე მიღებულ ცოდნას.
განაცხადების მიღების ბოლო ვადაა 2021 წლის 25 ოქტომბერი, 18:00 საათი.
გთხოვთ, მოთხოვნილი დოკუმენტაცია გადმოაგზავნოთ ელექტრონულ მისამართზე info@democracyresearch.org. დასახელებაში მიუთითეთ "უსაფრთხოებისა და ადვოკატირების დაგეგმვა/განხორციელების ტრენინგი".

ტრენინგზე განსახილველი საკითხები:
** დემოკრატიის არსი და სამოქალაქო საზოგადოების როლი სახელმწიფოს მართვაში
** სამოქალაქო ჩართულობის მნიშვნელობა, ფორმები და საფეხურები
** ადვოკატირების მნიშვნელობის გააზრება; მისი მიზნების, ამოცანებისა და ფორმების გაცნობა
** ადვოკატირების პროცესში პრობლემის დადგენისა და პრობლემის შესწავლისთვის საჭირო ინფორმაციის მოძიების მეთოდები
** ადვოკატირების პორტფოლიოს წარმატებული ნიმუშების გაცნობა
** ციფრული და ფიზიკური უსაფრთხოება: საფრთხეების გააზრება და შეფასება, თავდასხმების/შეტევების პრევენცია და მათზე რეაგირება
** უსაფრთხოების სტრატეგიისა და გეგმის შემუშავება.

დემოკრატიის კვლევის ინსტიტუტი სრულად დაფარავს ტრენინგთან დაკავშირებულ ხარჯებს.

ტრენინგი "დემოკრატიის ევროპული წვლილის" მხარდაჭერით ტარდება და მიზნად ისახავს ადამიანის უფლებების დაცვის კუთხით სამოქალაქო აქტივისტების შესაძლებლობების გაძლიერებას.
ვაკანსია იურისტის პოზიციაზე
დემოკრატიის კვლევის ინსტიტუტი აცხადებს ვაკანსიას იურისტის პოზიციაზე, "ეროვნული წვლილი დემოკრატიისთვის" (NED) მიერ დაფინანსებული პროექტის "ანგარიშვალდებული და გამჭვირვალე უსაფრთხოების სექტორის მხარდასაჭერად" ფარგლებში.
08.02.2022
კონკურსი სამოქმედო გეგმის შესამუშავებლად
დემოკრატიის კვლევის ინსტიტუტი (DRI) აცხადებს კონკურსს ორგანიზაციის სტრატეგიისა და სამოქმედო გეგმის შემუშავებისთვის ექსპერტის შესარჩევად.
28.09.2021
ვაკანსია პროექტის მენეჯერის პოზიციაზე

არასამთავრობო ორგანიზაცია „დემოკრატიის კვლევის ინსტიტუტი“(DRI) აცხადებს ვაკანსიას პროექტის მენეჯერის პოზიციაზე ევროკავშირის სადამკვირვებლო მისიის (EUMM) მიერ დაფინანსებული პროექტის „ნდობის მშენებლობა პანდემიის დროს“ ფარგლებში.

29.08.2021