ხუთშაბათს, 26  სექტემბერს, 10:30 საათზე სასტუმრო „თბილისი მარიოტში“ "დემოკრატიის კვლევის ინსტიტუტის" (DRI) ორგანიზებით გაიმართება პრეზენტაცია „ულტრამემარჯვენე ექსტრემიზმის და ნაციონალიზმის გააზრება და მის წინააღმდეგ ბრძოლა საქართველოში“. 

DRI ნიდერლანდების სამეფოს საელჩოს ფინანსური მხარდაჭერით აკვირდება ულტრამემარჯვენე ჯგუფებისა და მათი ლიდერების ფეისბუქ გვერდებსა და სოციალურ მედიაში აქტიურობის ძირითად ტენდენციებს. ორგანიზაციის საკვლევ ობიექტს წარმოადგენს  ცხრა ონლაინ მედია გამოცემა, 15-ულტრამემარჯვენე ჯგუფის და  15 ლიდერის  პირადი ფეისბუქ გვერდი. 

ღონისძიების ფარგლებში, ,,დემოკრატიის კვლევის ინსტიტუტის” მედია მკვლევარი წარადგენს 2019 წლის მაისიდან აგვისტოს ჩათვლით განხორციელებული მედია-მონიტორინგის შედეგებს. 

გარდა ამისა, DRI აკვირდებოდა ულტრამემარჯვენე ჯგუფების შეკრება-დემონსტრაციებს. პრეზენტაციაზე საუბარი იქნება ამ ჯგუფების გაძლიერებით გამოწვეული საფრთხეების შესახებ.