GEO   ENG
სიახლეები
DRI სახელმწიფო უსაფრთხოების სამსახურის საგამოძიებო საქმიანობაზე შეხვედრა გამართა
07.12.2021
7 დეკემბერს, დემოკრატიის კვლევის ინსტიტუტმა (DRI) სამუშაო შეხვედრა გამართა თემაზე „სახელმწიფო უსაფრთხოების სამსახურის საგამოძიებო ფუნქციები და სისხლის სამართლის საქმეთა განაწილება საგამოძიებო სტრუქტურებში.“

შეხვედრის მიზანს წარმოადგენდა დისკუსიის დაწყების ხელშეწყობა სახელმწიფო უსაფრთხოების სამსახურისთვის (სუს-ი) ცალკეული დანაშაულების გამოძიების უფლებამოსილების ჩამოშორების აუცილებლობაზე, რაც თავის მხრივ, შეამცირებს საგამოძიებო სტრუქტურების პოლიტიზებას. შეხვედრას დაესწრნენ სახელმწიფო სტრუქტურების, პოლიტიკური პარტიების და არასამთავრობო ორგანიზაციების წარმომადგენლები.

დღემდე, უსაფრთხოების სექტორში გატარებულმა სტრუქტურულმა ცვლილებებმა შედეგად ვერ მოიტანა საგამოძიებო უწყებების დეპოლიტიზება. დამოუკიდებლობის ნაკლებობა, მიდრეკილებები ტოტალური კონტროლისკენ, სტრუქტურათა დუბლირებული კომპეტენციები, რესურსების არარაციონალური ხარჯვა, არასაკმარისი საპარლამენტო ზედამხედველობა, გაუმჭვირვალობა, ანგარიშვალდებულების დაბალი დონე და სხვა, კვლავ რჩება საგამოძიებო უწყებების უმნიშვნელოვანეს გამოწვევად.

2021 წლის 12 სექტემბერს ინტერნეტსივრცეში გამოქვეყნებულმა სავარაუდოდ, სახელმწიფო უსაფრთხოების სამსახურიდან გამოჟონილმა ფაილებმა გაამყარა საფუძვლიანი ეჭვი, რომ სუს-ი, ნაცვლად სახელმწიფოს უსაფრთხოებისათვის რისკების შემცველი ქმედებების იდენტიფიცირებისა და აღმოფხვრისა, ფარულად აყურადებს და აკონტროლებს მოქალაქეების გადაადგილებას, საუბარს, საბანკო გადარიცხვებსა თუ პირად ცხოვრებას.

დემოკრატიის კვლევის ინსტიტუტს მიაჩნია, რომ სხვა არაერთ სტრუქტურულ და საკანონმდებლო პრობლემასთან ერთად, რაც ხელს უწყობს უსაფრთხოების სექტორის პოლიტიზებას და პირადი/პარტიული ინტერესებისათვის გამოყენებას, უსაფრთხოების სექტორთან დაკავშირებული გამოწვევები განპირობებულია სუს-ში ფართო საგამოძიებო, ანალიტიკური და სადაზვერვო კომპეტენციების თავმოყრით და ასევე, საგამოძიებო სტრუქტურების კომპეტენციების ნაკლოვანი და არასრულყოფილი გადანაწილებით, რაც საკანონმდებლო დონეზე დარეგულირებას საჭიროებს. 

სახელმწიფო უსაფრთხოების სამსახურის საგამოძიებო ფუნქციები
განცხადება მიხეილ სააკაშვილის შემდგომ მკურნალობასთან დაკავშირებით
ხელისმომწერი ორგანიზაციები ვეხმიანებით მესამე პრეზიდენტის ჯანმრთელობის მნიშვნელოვან გაუარესებას და მიგვაჩნია, რომ მისი შემდგომი მკურნალობის საკითხი უნდა გადაწყდეს ადამიანის სიცოცხლისა და ჯანმრთელობის დაცვის სტანდარტების გათვალისწინებით.
26.11.2022
კორუფციის შესახებ საქართველოს კანონში შესატანი ცვლილები არ პასუხებს ევროკავშირის 12 პუნქტიანი გეგმის მოთხოვნებს

DRI-მ პარლამენტის იურიდიულ საკითხთა კომიტეტს, საპარლამენტო ფრაქციებსა და პოლიტიკური ჯგუფებს ანტიკორუფციული სააგენტოს შესახებ მმართველი პარტიის მიერ მომზადებული საკანონმდებლო ცვლილებების შესახებ მოსაზრებები წარუდგინა.

17.11.2022
DRI-ის წინადადებები სასამართლო რეფორმის თაობაზე ევროკავშირის რეკომენდაციების შესასრულებლად
დემოკრატიის კვლევის ინსტიტუტმა საქართველოს პარლამენტის ფრაქციებსა და პოლიტიკური ჯგუფების წარმომადგენლებს სასამართლო რეფორმის შესახებ რეკომენდაციებით მიმართა. 
04.11.2022