სიახლეები
უსაფრთხოების ახალი არქიტექტურა ევროპაში და მისი გავლენა საქართველოზე
01.06.2022
30 მაისს, სამმა ორგანიზაციამ - „სამოქალაქო იდეა“, „დემოკრატიის კვლევის ინსტიტუტი“ (DRI) და „დემოკრატიის ინდექსი - საქართველო“ გამართა კონფერენცია „უსაფრთხოების ახალი არქიტექტურა ევროპაში და მისი გავლენა საქართველოზე.“
კონფერენცია გახსნა საქართველოს პრეზიდენტმა სალომე ზურაბიშვილმა და ევროკავშირის ელჩმა საქართველოში კარლ ჰარცელმა. ღონისძიებას ესწრებოდნენ პოლიტიკური პარტიების წარმომადგენლები, საქართველოში აკრედიტებული საელჩოებისა და საერთაშორისო ორგანიზაციების ხელმძღვანელები, სამოქალაქო სექტორისა და სამეცნიერო წრეების წარმომადგენლები.
კონფერენციის მიზანი იყო უკრაინაში მიმდინარე ომის შედეგებისა და ეროვნული უსაფრთხოების გამოწვევების გაანალიზება და მსჯელობა ევროპასთან ინტეგრაციის არსსა და ევროკავშირის წევრობის სტატუსის პერსპექტივაზე.
უკრაინის წინააღმდეგ რუსეთის ომმა თითქმის მთელი ცივილიზებული სამყარო გააერთიანა და გახსნა კარი უსაფრთხოების სრულიად ახალი სისტემებისთვის, რაც ინტეგრაციისა და თანამშრომლობის სულ სხვა ხედვასა და შესაძლებლობებს გულისხმობს. საქართველო, რომელიც თავის მხრივ, არის რუსული აგრესიის მსხვერპლი, ამ ახალი რეგიონული და საერთაშორისო დღის წესრიგის ცენტრშია.
მიუხედავად იმისა, რომ ევროკავშირის კითხვარის მიღება საქართველოსთვის ძალიან მნიშვნელოვანია, ის ამ შეცვლილი დინამიკის მხოლოდ ერთი ნაწილია. დისკუსიის მიზანი იყო, აღმოგვეჩინა, გაგვეანალიზებინა და გვემსჯელა ევროპასთან ინტეგრაციის მთავარ არსზე ფორმალური პროცედურების მიღმა.
კითხვარის შევსებისა და მისი ბრიუსელში გაგზავნის შემდეგ, საჭიროა დაისვას კითხვა, თუ რატომ მივისწრაფვით ევროკავშირის წევრობისკენ და როგორ უნდა შევცვალოთ ის განსხვავებები, რომლებიც არსებობს ფურცელზე აღწერილ საქართველოსა და რეალურს შორის.
ომის შემდეგ: საქართველოს ევროპული მომავლის გადახედვა.
საქართველოს ევროატლანტიკური მისწრაფებები რუსეთ-უკრაინის ომის ფონზე.
მარკ კლეიტონი, ბრიტანეთის ელჩი საქართველოში; თენგიზ ფხალაძე, ჯიპას ასოცირებული პროფესორი; თინათინ ხიდაშელი, თავდაცვის მინისტრი (2015-2016); ივლიანე ხაინდრავა, ეროვნული უშიშროების საბჭოს მდივნის მოადგილე (2014-2018); კახაბერ ქემოკლიძე, ეროვნული უსაფრთხოების საბჭოს აპარატის უფროსი (2019-2021).
ევროინტეგრაციის პროცესის გამოწვევები - რას შეიძლება ველოდოთ.
პანელური დისკუსიის თემები:
ომის შემდეგ: საქართველოს ევროპული მომავლის გადახედვა.
ენდრიუს კალინდრა, ლიეტუვას ელჩი საქართველოში; დავით უსუფაშვილი, პარლამენტის თავმჯდომარე (2012-2016); სერგი კაპანაძე, პარლამენტის თავმჯდომარის მოადგილე (2016-2020).
მოდერატორი: ნინო გელაშვილი, რადიო თავისუფლება.
საქართველოს ევროატლანტიკური მისწრაფებები რუსეთ-უკრაინის ომის ფონზე.
მარკ კლეიტონი, ბრიტანეთის ელჩი საქართველოში; თენგიზ ფხალაძე, ჯიპას ასოცირებული პროფესორი; თინათინ ხიდაშელი, თავდაცვის მინისტრი (2015-2016); ივლიანე ხაინდრავა, ეროვნული უშიშროების საბჭოს მდივნის მოადგილე (2014-2018); კახაბერ ქემოკლიძე, ეროვნული უსაფრთხოების საბჭოს აპარატის უფროსი (2019-2021).
მოდერატორი: ეკა ციმაკურიძე, DIG
ევროინტეგრაციის პროცესის გამოწვევები - რას შეიძლება ველოდოთ.
ანდრეი კასიანოვი, უკრაინის საქმეთა დროებითი რწმუნებული საქართველოში; მაკა ბოჭორიშვილი, პარლამენტის ევროპასთან ინტეგრაციის კომიტეტის თავმჯდომარე ქართული ოცნებიდან; თამარ ხულორდავა, პარლამენტის ევროპასთან ინტეგრაციის კომიტეტის თავმჯდომარე (2016-2019); ვანო ჩხიკვაძე, ღია საზოგადოების ფონდის ევროპასთან ინტეგრაციის პროგრამის მენეჯერი; კახა გოგოლაშვილი, GFSIS ევროპული კვლევების დირექტორი; ლევან დოლიძე, საქართველოს ელჩი ნატოში (2013-2014).
მოდერატორი: თამარ ხიდაშელი, DRI
DRI: სასამართლო გადაწყვეტილება რაჭის პროტესტის მონაწილეებთან დაკავშირებით მშვიდობიანი შეკრების უფლების დაცვის კუთხით პოზიტიურ პრეცედენტს წარმოადგენს
სასამართლომ ექვსი პირის მიმართ საქმის წარმოება შეწყვიტა, ხოლო ორი პირის მიმართ სიტყვიერი შენიშვნით შემოიფარგლა.
30.11.2023
DRI: „ქართული ოცნებისა“ და ულტრამემარჯვენე ჯგუფების ორკესტრირებული რიტორიკა გააქტიურდა
„ქართული ოცნებისა“ და ღიად პრორუსული ულტრამემარჯვენე პოლიტიკური დაჯგუფების „კონსერვატიული მოძრაობა/ალტ-ინფოს“ ლიდერების რიტორიკა ცალკეულ საკითხებთან დაკავშირებით, იდენტური იყო.
28.11.2023
DRI: რუსეთი დე-ფაქტო აფხაზეთის ენერგოკრიზისს სტრატეგიული ობიექტების ანექსიისთვის იყენებს
აფხაზეთში ენერგოკრიზისი დაიწყო. ზამთრის მოახლოებასთან ერთად, რუსეთის ფედერაციამ აფხაზეთის დე ფაქტო მთავრობას მიწოდებული ელექტროენერგიის საფასურის გადახდა მოსთხოვა.
27.11.2023
