Vacancies
ტრენინგი უსაფრთხოების საკითხებზე კონფლიქტით დაზარალებულ რეგიონებში მომუშავე აქტივისტებისთვის
21.06.2021
„დემოკრატიის კვლევის ინსტიტუტი“ (DRI) იწყებს განაცხადების მიღებას უსაფრთხოების საკითხებზე ტრენინგის მონაწილეთა შესარჩევად.
ტრენინგის თარიღები:
ტრენინგი გაიმართება 2021 წლის 11-13 ივლისს, ბათუმში.
ვის შეუძლია მონაწილეობის მიღება?
მონაწილეობა შეუძლიათ კონფლიქტით დაზარალებულ რეგიონებში მომუშავე აქტივისტებს, მოქალაქეთა ჯგუფებსა და არასამთავრობო ორგანიზაციების წარმომადგენლებს.
წარმოსადგენი დოკუმენტაცია:
მონაწილეობის მსურველებმა უნდა წარმოადგინონ:
ა) რეზიუმე (CV), რომელშიც ხაზგასმული იქნება კონფლიქტით დაზარალებულ რეგიონებში სამოქალაქო აქტივიზმის კუთხით გაწეული საქმიანობები;
ბ) სამოტივაციო წერილი, რომელშიც აღწერილი იქნება, თუ როგორ გამოიყენებთ ტრენინგებზე მიღებულ ცოდნას.
განაცხადების მიღების ბოლო ვადაა 2021 წლის 30 ივნისი, 18:00 საათი.
გთხოვთ, მოთხოვნილი დოკუმენტაცია გადმოაგზავნოთ ელექტრონულ მისამართზე info@democracyresearch.org; მეილის დასახელებაში მიუთითეთ „უსაფრთხოების ტრენინგი“.
ტრენინგზე განსახილველი საკითხები:
- ციფრული უსაფრთხოების მნიშვნელობა და თავდაცვის მექანიზმები;
- ადამიანის უფლებათა დამცველების მიმართ არსებული საფრთხეების (ფიზიკური, ფსიქოლოგიური) გააზრება და შეფასება;
- თავდასხმებისა და შეტევების ფაქტებზე რეაგირება და მათი პრევენცია;
- უსაფრთხოების სტრატეგიისა და გეგმის შემუშავება: უსაფრთხოების უზრუნველყოფა ორგანიზაციებში, სამსახურებსა თუ სახლში.
„დემოკრატიის კვლევის ინსტიტუტი“ სრულად დაფარავს ტრენინგთან დაკავშირებულ ხარჯებს.
ტრენინგი „დემოკრატიის ევროპული წვლილის“ მხარდაჭერით ტარდება და მიზნად ისახავს ადამიანის უფლებების დაცვის კუთხით სამოქალაქო აქტივისტების შესაძლებლობების გაძლიერებას.
ესეების კონკურსი სიძულვილის ენაზე
დემოკრატიის კვლევის
ცენტრი მოსწავლეებისთვის აცხადებს ესეების კონკურსს სიძულვილის ენაზე.
17.12.2024
ვაკანსია მკვლევარის პოზიციაზე
დემოკრატიის კვლევის ინსტიტუტი აცხადებს ვაკანსიას მკვლევრის პოზიციაზე.
19.06.2024
ვაკანსია კონსულტანტის პოზიციაზე
დემოკრატიის კვლევის ინსტიტუტი აცხადებს ვაკანსიას კონსულტანტის პოზიციაზე.
02.05.2024
