„ქართული ოცნებამ“ მიიღო რუსული კანონი, რომელიც საქართველოში თავისუფალ და კრიტიკულ მოსაზრებებს ასამარებს. კანონი საქართველოს მოსახლეობას ევროკავშირისკენ მიმავალ გზას უკარგავს.
2024
წლის 9 ივნისს ოკუპირებული სამხრეთ ოსეთი/ცხინვალის რეგიონში დე ფაქტო საპარლამენტო არჩევნები ჩატარდა. კენჭისყრის დღეს, უამინდობის გამო, ელექტროენერგიის მიწოდება შეუწყდა რამდენიმე ქალაქსა და სოფელს, რის გამოც მოსახლეობას ხმის მიცემა სანთლის შუქზე მოუწია. დე ფაქტო ხელისუფლების განცხადებით, „არჩევნები“ დემოკრატიულად და დარღვევების გარეშე ჩატარდა, თუმცა,
გავრცელებული ინფორმაციით, კენჭისყრის დღეს ადგილი ჰქონდა საარჩევნო ბიულეტენების მასობრივად ჩაყრის მცდელობას, ამომრჩევლების მოსყიდვისა და დაშინების ფაქტებს, საარჩევნო უბნებზე უცნობი ამომრჩევლების ორგანიზებულად მიყვანას.
დემოკრატიის კვლევის ინსტიტუტის წყაროს ინფორმაციით:
- ქალაქ ცხინვალში ერთ-ერთ საარჩევნო უბანზე ადგილი ჰქონდა ბიულეტენების მასობრივად ჩაყრის მცდელობას
- ერთ-ერთ სოფელში, სადაც 30-მდე ადამიანი ორგანიზებულად მიიყვანეს ხმის მისაცემად, ადგილობრივებმა აღნიშნეს, რომ მიყვანილ „ამომრჩეველს“ არ იცნობს და მათი თანასოფლელები არ არიან
- ცხინვალის ერთ-ერთ ქუჩაზე, ერთოთახიანი საცხოვრებელი ბინის მფლობელმა მის მისამართზე დარეგისტრირებული 23 ადამიანი აღმოაჩინა, რომლებიც არჩევნებამდე ერთი კვირით ადრე ჩაწერეს
- პარტია „ერთიანი ოსეთის“ თავმჯდომარე აცამაზ ბიბილოვის განცხადებით, კენჭისყრის დღეს ადგილი ჰქონდა ამომრჩევლების მოსყიდვას
- საარჩევნო უბნებზე მოსახლეობის ორგანიზებულად მიყვანას უზრუნველყოფდა ძამბოლატ თედეევის „სახალხო პარტიაც“
- ახალგორში მმართველი პარტიის „ნიხასის“ კანდიდატის ზაზა დრიაევისთვის ხმის მისაცემად 500-მდე ადამიანი, რომელთა უმრავლესობას ახალგორთან კავშირი არ აქვს, ჩრდილო ოსეთიდან, ჩეჩნეთიდან, დაღესტნიდან და რუსეთის ფედერაციის სხვადასხვა რეგიონებიდან ჩამოიყვანეს
- ძალოვანი სტრუქტურების წარმომადგენლებმა ახალგორის მოსახლეობას ხმის მიცემა მმართველი პარტია „ნიხასის“ და მისი კანდიდატის ზაზა დრიაევის სასარგებლოდ მოსთხოვეს. „დარწმუნების“ მეთოდად გამოიყენებოდა დაშინება და მოსყიდვა
- ახალგორში რამდენიმე ოჯახს მმართველი პარტიის წარმომადგენლისთვის ხმის მიცემის სანაცვლოდ, ოჯახის იმ წევრების გადაადგილებისათვის საჭირო დოკუმენტები (3 თვიანი) გადასცეს, რომლებიც ახალგორში ჩასვლას ვერ ახერხებენ
- კენჭისყრის დღეს ახალგორის მოსახლეობას სთხოვდნენ ეჩვენებინათ ფოტო მტკიცებულება, რომ ხმა დრიაევსა და პარტია „ნიხასს“ მისცეს. ბევრი მათგანი ფოტოსურათებს პირდაპირ საარჩევნო უბანზე აჩვენებდა პარტიის რაიონული ოფისის ხელმძღვანელს.
დე ფაქტო ცენტრალური საარჩევნო კომისიის ინფორმაციით, „კენჭისყრის დღეს“ ამომრჩეველთა აქტივობამ 72,32% შეადგინა. ცხინვალში - 65,75%, ცხინვალის რაიონში - 70,32%, ჯავის რაიონში - 91,40%, ზნაურის რაიონში - 94,91%, ხოლო ახალგორის რაიონში - 80,62%. რაც შეეხება ე.წ. რესპუბლიკის გარეთ გახსნილ საარჩევნო უბნებს, მოსკოვში ხმა 171-მა ადამიანმა მისცა, ხოლო ვლადიკავკაზში - 2634-მა. „საარჩევნო უბანი“ არ გახსნილა სოხუმში.
დე ფაქტო ცესკოს ბოლო მონაცემებით,
11 ივნისის მონაცემებით, დათვლილია ყველა ბიულეტენი. ბიულეტენების დათვლის შედეგად, ხმები
შემდეგნაირად გადანაწილდა: „ერთიანი
ოსეთი“ - 31,52%; „ნიხასი“ - 30,60%; „სახალხო პარტია“ - 16,03%; კომუნისტური პარტია - 7,01%; „ხალხის ერთობა“ - 4,49%;
„Иры Фарн“ - 4,71%; „ერთობა“
- 1,98%; ყველას
წინააღმდეგ - 3,66%.
„ერთიანი ოსეთის“ თავმჯდომარის განცხადებით, თუ ვლადიკავკაზის მონაცემები არ გაუქმდება, სადაც ბათილად იქნა ცნობილი 700-მდე ბიულეტენი, პარტია პარლამენტის მუშაობაში მონაწილეობას არ მიიღებს.
ოკუპირებულს სამხრეთ ოსეთში რუსეთი ფინანსური “მხარდაჭერის” ახალ ეტაპს იწყებს.
რუსეთი ოკუპირებული აფხაზეთის, ცხინვალის რეგიონისა და დნესტრისპირეთის მოსახლეობისთვის რუსეთის მოქალაქეობის მიღებას კიდევ უფრო ხელმისაწვდომს ხდის.
უკვე წლებია, ხელისუფლებაში მყოფი პარტია მათ მიმართ კრიტიკულად განწყობილ პირებს დამამცირებელი, მუქარის შემცველი და მასტიგმატიზებელი ენით მიმართავს.
