GEO   ENG
სიახლეები
DRI-ის ახალი პროექტი: „უსაფრთხოების სექტორის რეფორმის მხარდაჭერა საქართველოში“
09.02.2021
დემოკრატიის კვლევის ინსტიტუტმა ერთი წლის განმავლობაში შეისწავლა სახელმწიფო უსაფრთხოების სამსახურის საქმიანობა და გამოსცა ოთხი სამაგიდო კვლევა.

DRI-ის მკვლევარებმა გაანალიზეს სახელმწიფო უსაფრთხოების სამსახურის საქმიანობის მარეგულირებელი კანონმდებლობა, შეისწავლეს საუკეთესო საერთაშორისო გამოცდილება და შეიმუშავეს შესაბამისი რეკომენდაციები:
  • მნიშვნელოვანია სახელმწიფო უსაფრთხოების სამსახურსა და სხვა საგამოძიებო სტრუქტურებს შორის კომპეტენციების დუბლირების აღმოფხვრა და პარალელური საგამოძიებო სისტემების არსებობაზე უარის თქმა, რაც ხელს შეუწყობს ადამიანური და ფინანსური რესურსის დაზოგვას;
  • გაძლიერდეს სახელმწიფო უსაფრთხოების სამსახურზე საპარლამენტო ზედამხედველობის/კონტროლის მექანიზმები;
  • გაუმჯობესდეს სახელმწიფო უსაფრთხოების სამსახურის მმართველობის სფეროში შემავალი ოპერატიულ-ტექნიკური სააგენტოს საქმიანობის მომწესრიგებელი საკანონმდებლო ჩარჩო და მასზე არსებული ზედამხედველობა/კონტროლის მექანიზმები;
  • სახელმწიფო უსაფრთხოების სამსახურმა უზრუნველყოს ტერორიზმისა და რადიკალიზაციის წინააღმდეგ ბრძოლაში აკადემიური წრეების, დაინტერესებული მხარეებისა და საზოგადოებრივი ორგანიზაციების ჩართულობა.
აღნიშნულ მიგნებებზე დაყრდნობით, 2021 წლის თებერვლიდან DRI-მ დაიწყო ახალი პროექტი „უსაფრთხოების სექტორის რეფორმის მხარდაჭერა საქართველოში“. პროექტი მიზნად ისახავს სახელმწიფო უსაფრთხოების სამსახურში ინსტიტუციური რეფორმების ადვოკატირებას და უფლებამოსილების ბოროტად გამოყენების რისკების შემცირებას. ასევე, ქვემო ქართლისა და პანკისის რეგიონებში გაზრდილი რადიკალიზაციის შესამცირებლად სახელმწიფო უსაფრთხოების სამსახურისა და სხვა საჯარო სტრუქტურებისათვის საერთაშორისო სტანდარტებზე დაყრდნობით რეკომენდაციების შემუშავებას.

პროექტით დადგენილი მიზნების მისაღწევად, DRI გეგმავს თანამშრომლობას საზოგადოებრივ ორგანიზაციებთან, სახელმწიფო უსაფრთხოების სამსახურთან, საქართველოს პარლამენტთან, მედიასა და სხვა დაინტერესებულ მხარეებთან.

პროექტი ხორციელდება ,,ეროვნული წვლილი დემოკრატიისთვის’’ (NED) მხარდაჭერით.
DRI: მშვიდობიანი პროტესტის დროს აქციის მონაწილეთა დაკავება საფრთხეს უქმნის დემოკრატიულ ღირებულებებს

2 ივნისს, პარლამენტის მიმდებარე ტერიტორიაზე, პლაკატზე გაკეთებული წარწერის გამო დააკავეს რამდენიმე პირი, მათ შორის, ადვოკატები, არასამთავრობო ორგანიზაციის წარმომადგენლები, სამოქალაქო აქტივისტები.

02.06.2023
სამოქალაქო საზოგადოება საქართველოს პრემიერ-მინისტრის განცხადებას ეხმიანება
სამოქალაქო საზოგადოების ორგანიზაციები ვგმობთ GLOBSEC-ის ბრატისლავის ფორუმზე 30 მაისს, საქართველოს პრემიერ-მინისტრის, ირაკლი ღარიბაშვილის მიერ გაკეთებულ განცხადებას.
01.06.2023
2022 წელთან შედარებით, „კონსერვატიული მოძრაობა/ალტ-ინფოს“ ოფიციალური შემოწირულებები შემცირებულია
დემოკრატიის კვლევის ინსტიტუტი აგრძელებს ძალადობრივი პოლიტიკური დაჯგუფება „კონსერვატიული მოძრაობა/ალტ-ინფოს“ შემომწირველებზე დაკვირვებას. 
31.05.2023