ჩვენ გამოვხატავთ ღრმა შეშფოთებას თბილისის საქალაქო სასამართლოს გადაწყვეტილებაზე, რომლის საფუძველზეც ყადაღა დაედო რამდენიმე ცნობილი არასამთავრობო ორგანიზაციის საბანკო ანგარიშებს:
• „სამოქალაქო საზოგადოების ფონდი“
• „სამართლიანი არჩევნებისა და დემოკრატიის საერთაშორისო საზოგადოება“
• „ინფორმაციის თავისუფლების განვითარების ინსტიტუტი“
• „დემოკრატიის მცველები“
• „საქართველოს დემოკრატიული ინიციატივა“
• „საფარი“
• „სოციალური სამართლიანობის ცენტრი“.
ეს გადაწყვეტილება საფრთხეს უქმნის არა მხოლოდ აღნიშნული ორგანიზაციების საქმიანობას და არსებობას, არამედ იმ მოქალაქეებსა და მოწყვლად ჯგუფებს, რომელთათვისაც სასიცოცხლოდ მნიშვნელოვანია ჩვენი მხარდაჭერა და დახმარება.
ვგმობთ ყველა ნაბიჯს, რომელიც მიზნად ისახავს კრიტიკული აზრის ჩახშობას და არასამთავრობო სექტორის დისკრედიტაციას.
გვჯერა, რომ სამოქალაქო საზოგადოების თავისუფალი და დამოუკიდებელი ფუნქციონირება ქვეყნის დემოკრატიული და სამართლებრივი წესრიგის საფუძველია.
ვუცხადებთ სრულ მხარდაჭერასა და სოლიდარობას ყველა ორგანიზაციასა და მათ თანამშრომლებს, რომლებიც განაგრძობენ საქმიანობას დემოკრატიის, ადამიანის უფლებებისა და სამართლიანობის დასაცავად.
რუსეთი ოკუპირებული აფხაზეთის, ცხინვალის რეგიონისა და დნესტრისპირეთის მოსახლეობისთვის რუსეთის მოქალაქეობის მიღებას კიდევ უფრო ხელმისაწვდომს ხდის.
For years, representatives of the ruling party individuals critical of the authorities, while law enforcement agencies have systematically failed to ensure adequate protection for these groups.
დე ფაქტო სამხრეთ ოსეთში საპრეზიდენტო არჩევნები 2026 წლის 18 სექტემბერს გაიმართება.
