ზუსტად ერთი წლის წინ, ბიძინა ივანიშვილის ხელისუფლებამ საქართველოში ევროპული განვითარების გზა ჩაკეტა.
2024 წლის 28 ნოემბერს „ქართული ოცნების“ პრემიერ-მინისტრმა ირაკლი კობახიძემ საჯაროდ განაცხადა, რომ ევროკავშირთან წევრობაზე მოლაპარაკებების გახსნა დღის წესრიგიდან ამოღებულია. ეს გადაწყვეტილება არის არა მხოლოდ პოლიტიკურად დანაშაულებრივი, არამედ ქართული საზოგადოების ნების პირდაპირი შეურაცხყოფა და საქართველოს კონსტიტუციის 78-ე მუხლის აშკარა დარღვევა.
ამ ნაბიჯით ივანიშვილის მთავრობამ გაწირა ქართული სახელმწიფო და ქართველი ხალხი, მარტო დატოვა ქვეყანა რუსული საფრთხის პირისპირ და მოსწყვიტა დასავლეთის იმ სამყაროს, რომლისკენაც საუკუნეებია მივისწრაფით.
რუსეთის პოლიტიკური წრეები მიესალმნენ „ქართული ოცნების“ გადაწყვეტილებას, რადგან ეს არის პუტინისტური რუსეთის ინტერესების სრული გამეორება. თუმცა ამ ნაბიჯს არ შეურიგდა ქართული ხალხი, რომელიც უკვე ერთი წელია, დაუღალავად იბრძვის ჩვენი ქვეყნის ევროპული მომავლის გადასარჩენად.
ამ ერთი წლის განმავლობაში „ქართულმა ოცნებამ“ წარმოუდგენელი რეპრესიები მოუწყო საკუთარ ხალხს, რომელსაც მხოლოდ ქვეყნის სიყვარული ამოძრავებს:
- 160-მდე მოქალაქის წინააღმდეგ დაიწყეს სისხლის სამართლის საქმის გამოძიება;
- 300-მდე აქციის მონაწილე გახდა წამებისა და არაადამიანური მოპყრობის მსხვერპლი;
- 600-ზე მეტი ადამიანი დააკავეს ადმინისტრაციული წესით;
- 1000-ზე მეტი მოქალაქე დაჯარიმდა პოლიტიკური მოტივებით;
- 400-მდე შემთხვევაა ჟურნალისტების დაპატიმრების, ცემისა და შევიწროების
- მიიღეს ანტიდემოკრატიული კანონები, რომლებიც პრაქტიკულად აიძულებს სამოქალაქო ორგანიზაციებს, შეწყვიტონ ფუნქციონირება.
დღეს ბიძინა ივანიშვილის ხელისუფლება ყოველდღიურ რეჟიმში:
- აპატიმრებს პოლიტიკური პარტიების ლიდერებს და აპირებს ოპოზიციური პარტიების აკრძალვას;
- დევნის სამოქალაქო საზოგადოებას და სჯის სოლიდარობას და თანაგრძნობას;
- ცლის სახელმწიფო ინსტიტუტებს პროფესიონალებისა და კეთილსინდისიერი მოხელეებისგან.
ამ ყველაფერმა საქართველო საერთაშორისო იზოლაციაში მოაქცია. უკიდურესად გაუარესდა ურთიერთობები ევროკავშირთან და ამერიკის შეერთებულ შტატებთან. „ქართული ოცნების „ ხელისუფლება ყოველდღე შეურაცხყოფას აყენებს დასავლელ პარტნიორებს და დეზინფორმაციას ავრცელებს მათ ლიდერებზე.
მაგრამ ამ მძიმე პირობებში კარგად გვახსოვს ილია ჭავჭავაძის სიტყვები: “თავისუფლება ადამიანისა სხვა არა არის რა, რომ ბოროტისთვის სრულად შეკრულ იყოს და სიკეთისათვის უხვად გზაგახსნილი”.
სწორედ ამიტომ, ქართველი ხალხი არ გატყდა.
ქართველ საზოგადოებას არ სურს ცხოვრება რუსული ავტორიტარიზმის პირობებში. ჩვენი ერი კვლავ დგას დამოუკიდებლობის, ღირსებისა და ევროპული მომავლის სადარაჯოზე.
ჩვენი ვიბრძვით, რომ საქართველო დაუბრუნდეს განვითარების ევროპულ გზას, სადაც:
- დაცულია ყველა მოქალაქის უფლება;
- ვერც ერთი ძალა ვერ მოიპარავს ხალხის არჩევანს;
- არავის დააპატიმრებენ პოლიტიკური ნიშნით;
- ევროპული მომავალი იქნება უზრუნველყოფილი რეალური, არა მოჩვენებითი არჩევანით.
მადლობას ვუხდით ყველას, ვინც ამ ბრძოლაში ჩაერთო, ვინც არ დანებდა და ერთად ვაშენებთ ევროპულ, თავისუფალ, დემოკრატიულ საქართველოს.
საერთაშორისო გამჭვირვალობა- საქართველო
საქართველოს მომავლის აკადემია
საქართველოს ევროპული ორბიტა
ეკონომიკური პოლიტიკის კვლევის ცენტრი (EPRC)
"პრევენცია პროგრესისთვის"
ქალთა ინიციატივების მხარდამჭერი ჯგუფი
მწვანე ალტერნატივა
დემოკრატიის კვლევის ინსტიტუტი ( DRI)
სამოქალაქო საზოგადოების ფონდი
სამოქალაქო მოძრაობა თავისუფლებისთვის (CMF)
საქართველოს სტრატეგიისა და საერთაშორისო ურთიერთობების კვლევის ფონდი
ადამიანის უფლებათა ცენტრი (HRC)
საქართველოს დემოკრატიული ინიციატივა (GDI)
ტოლერანტობის და მრავალფეროვნების ინსტიტუტი (TDI)
პარტნიორობა ადამიანის უფლებებისთვის ( PHR )
საქართველოს ახალგაზრდა იურისტთა ასოციაცია (GYLA)
ყვარლის ევროკლუბი
თბილისი პრაიდი
სამართლიანი არჩევნებისა და დემოკრატიის საერთაშორისო საზოგადოება. (ISFED )
დემოკრატიის მცველები
საფარი
BBC-ის მიერ მომზადებული ჟურნალისტური გამოძიების მასალები, შეიცავს შოკისმომგვრელ ცნობებს იმის შესახებ, რომ ივანიშვილის პოლიციის მიერ ქართველი ხალხის წინააღმდეგ ადგილი ჰქონდა აკრძალული ქიმიური იარაღის გამოყენებას.
The initiative of the GD to abolish the administration of the administrative-territorial unit created on the territory of the former South Ossetian Autonomous Region contradicts the national interests of Georgia.
Georgian Dream’s new initiative, according to which polling stations abroad will no longer be opened during the Georgian parliamentary elections and voters critical towards the party will be restricted from going to polls, is unconstitutional.
